რაგბი. უელსმა, 2019 წლის მსოფლიოს თასისთვის, საბრძოლო რაზმი დაასახელა

2019 წლის მსოფლიოს თასზე საქართველოს ნაკრების მეტოქის, უელსის ეროვნული გუნდის მთავარმა მწვრთნელმა უორენ გეთლენდმა საბრძოლო რაზმის დასახელება ისევ ყველას დაასწრო.

შაბათს უელსელები ლონდონის "თვიქნემზე" ინგლისის ნაკრებს დაუპირისპირდებიან. "წითელი ურჩხულების" ახალზელანდიელმა მწვრთნელმა ძირითადი შემადგენლობა უცვლელად დატოვა.

თადარიგში კი ტრავმამოშუშებული გარემარბი ჯორჯ ნორსი შეიყვანა, რომელსაც რეალურად შესწევს ძალა უელსელთა შემტევი პოტენციალი გააძლიეროს.

"ჩვენს გუნდში მხოლოდ ერთი ცვლილებაა. ჯორჯ ნორსი, რომელიც გამოჯანმრთელდა, ოუენ უოტკინის შეცვლის სათადარიგოთა სკამზე.

კარგად გვესმის, რამდენად რთული იქნება მძლავრი ინგლისური შერკინების წინააღმდეგ თამაში. ეს მართლაც დიდი გამოცდა იქნება ჩვენთვის. ინგლისის ნაკრები ბოლო ორი წელიწადია, შესანიშნავ ფორმაშია, ამიტომ ვიცით, რა პრობლემები შეუძლია შეგვიქმნას მან.

ჩვენ ძალიან კარგი, ორკვირიანი მზადების ეტაპი გავიარეთ და მოუთმენლად ველით "თვიქნემზე" ინგლისელებთან ბრძოლას." - თქვა უორენ გეთლენდმა.

უელსი: 15. ლი ჰალპფენი, 14. ჯოშ ადამსი, 13. სკოტ უილიამსი, 12. ჰედლი პარკსი, 11. სტეფ ევანსი, 10. რის პეტჩელი, 9. გარეთ დევისი; 1. რობ ევანსი,

2. კენ ოუენსი, 3. სამსონ ლი, 4. კორი ჰილი, 5. ალან ვინ ჯოუსი, 6. აარონ შინგლერი, 7. ჯოშ ნავიდი, 8. როს მორიატი

სათ: 16. ელიოტ დი, 17. ვინ ჯოუნზი, 18. ტომას ფრენსისი, 19. ბრედლი დევისი, 20. ჯასტინ ტიპურიკი, 21. ალედ დევისი, 22. გარეტ ანსკობმი, 23. ჯორჯ ნორსი.

ყოველდღიური სპორტული გაზეთი "ლელო"
1067
მკითხველის კომენტარები / 0 /
მსგავსი ამბები
რუბრიკის სხვა სიახლეები
;