რაგბი. ქალთა შვიდკაცა გენტში

საქართველოს შვიდკაცა რაგბის ქალთა ნაკრები ბელგიაში, ქალაქ გენტში გაემგზავრა, სადაც მოსამზადებელ ტურნირში მიიღებს მონაწილეობას.

საქართველოს ნაკრების მთავარი მწვრთნელი ჯაბა მალაღურაძე გუნდს 2018 წლის ევროპის ჩემპიონატისთვის ამზადებს, რომელსაც 9-10 ივნისს ხორვატია უმასპინძლებს. მანამდე გოგონები სამ მოსამზადებელ ტურნირზე ითამაშებენ, რომელთაგან პირველს 31 მარტსა და 1 აპრილს გენტი უმასპინძლებს.

"გენტის ტურნირში რეგულარულად ვმონაწილეობთ და ის საკმაოდ მაღალი დონისაა. მასში ევროპის ელიტური გუნდებიც ასპარეზობენ. ბელგიაში პოლონეთის, ჰოლანდიის, გერმანიისა და ბელგიის ნაკრებები ითამაშებენ. მათთან ერთად შეჯიბრებაში საკმაოდ ძლიერი კლუბებიც გამოვლენ.

გადავხედეთ შეტევისა და დაცვის სტრატეგიას და გარკვეული სიახლეები დავნერგეთ, რომლებსაც პირველად გენტში გამოვცდით. არ გვაქვს მოლოდინი, რომ ყველაფერი უმაღლეს დონეზე შესრულდება, თუმცა იმას ნამდვილად დავინახავთ, რაზე გვაქვს უფრო მეტი სამუშაო". - თქვა რაგბის კავშირის ვებგევრდთან საუბრისას მალაღურაძემ.

საქართველოს ნაკრები
სალომე მაკასარაშვილი, ნიკოლ გალუზინსკაია, ირმა გულიაშვილი, ნინო ტაბატაძე, ქეთი მოდებაძე, თინათინ პაპუაშვილი, თინათინ სიხარულიძე, მარიამ გოგუაძე (ყველა - თბილისი), ნათია გავაშელიშვილი (რუსთავი), სალომე საღარაძე, მანონი საღარაძე (ორივე - ზუგდიდი), ანი სირაძე (ქუთაისი).

ყოველდღიური სპორტული გაზეთი "ლელო"
1250
მკითხველის კომენტარები / 0 /
რუბრიკის სხვა სიახლეები
;