[რაგბი] ყაულაშვილის მეორე ლელო სეზონში

საფრანგეთის სარაგბო ჩემპიონატის ელიტური, პირველი დივიზიონის მე-10 ტურში ლექსო ყაულაშვილის, ბექა გორგაძისა და ლაშა ტაბიძის „ბორდომ“ სტუმრად ითამაშა გურამ გოგიჩაშვილისა და ვასილ კაკოვინის „რასინგთან“ და მეტოქე მძიმე ბრძოლაში 34:30 დაამარცხა.

მატჩის 57-ე წუთზე შეცვლაზე ექვსი წუთით ადრე შესულმა შერკინების ქართველმა ბურჯმა ლექსო ყაულაშვილმა ლელო გაიტანა. ეს მისი მეორე ლელოა მიმდინარე სეზონში. პირველი ლექსომ სექტემბრის ბოლოს „სტად ფრანსეს“ გაუტანა.

ქართველი მორაგბეებიდან გორგაძე თამაშში 64-ე წუთიდან ჩაერთო, გოგიჩაშვილი ძირითად შემადგენლობაში იყო და 41-ე წუთზე კაკოვინმა შეცვალა. ტაბიძე განაცხადში არ იყო.

„ბორდოს“ ახლა 34 ქულა აქვს და მეორე ადგილზეა. ის ლიდერ „ლიონს“ მხოლოდ ქულით ჩამორჩება.

168
მკითხველის კომენტარები / 0 /
მსგავსი ამბები
რუბრიკის სხვა სიახლეები
;