რაგბი. ჭაბუკთა ლიგა. პირველი წრე 'ლელომ' მოიგო

საქართველოს ჩემპიონატის A ლიგის გათამაშების ბოლო, გადამწყვეტ ეტაპზე პირველი წრე დასრულდა.

სატურნირო ცხრილს სათავეში შარშანდელი ჩემპიონი თბილისის "ლელო" უდგას. თუმცა, მეორე ადგილზე მყოფი თბილისის "ხვამლის" მსგავსად მასაც ექვსი მოგება და ერთი ფრე აქვს.

პირველი წრის ბოლო ტურის ცენტრალური მატჩი ქუთაისში გაიმართა, სადაც "აიამ" თბილისის "ლელოს" უმასპინძლა და 14:18. დამარცხდა. "ხვამლმა" კი, საკუთარ არენაზე მარნეულის "არმაზი" დაამარცხა დიდი ანგარიშით 62:0.

ამ სამეულს, რომელიც დანარჩენებისგან საგრძნობლად დაწინაურდნენ, პლეი ოფში გასვლას, სავარაუდოდ, ვერავინ შეეცილება. დარჩენილი ერთი ადგილისთვის პრეტენზიას ერთბაშად სამი გუნდი, თბილისის "სამთა", ქუთაისის "არესი" და რუსთავის "ხარები" აცხადებენ. ეს უკანასკნელი უკეთეს მდგომარეობაშია. მე-7 ტურში რუსთაველებმა შინ დაამარცხეს "სამთა" 27:14 და მეოთხე ადგილზე არიან.

ქუთაისის "არესი" კი სტუმრად დამარცხდა თბილისის "ლოკომოტივთან" - 0:5. თუმცა, პლეი ოფში გასვლის შანსს მაინც ინარჩუნებს.

A ლიგა

VII ტური
ხვამლი-არმაზი 62:0
ხარები-სამთა 27:14
აია-ლელო 14:18
ლოკომოტივი-არესი 5:0

სატურნირო მდგომარეობა
1. ლელო - 30 ქულა, 2. ხვამლი - 28, 3. აია - 26, 4. ხარები - 15, 5. სამთა - 10, 6. არესი - 8, 7. ლოკომოტივი - (-2), 8. არმაზი - (-8)
ჭაბუკთა B ლიგაში მეორე ეტაპი დასრულდა, რომელმაც რვა საუკეთესო გუნდი გამოავლინა. ისინი ჩემპიონობისთვის ბრძოლას გაზაფხულიდან განაგრძობენ. გუნდები ჯგუფებში ასე განაწილდნენ.

A ჯგუფი: ხვამლი (თბილისი), რაინდები (ფოთი), არმაზი (მარნეული), იმერეთი (ქუთაისი)
B ჯგუფი: ლელო (თბილისი), აიეტი (ქუთაისი), თბილისი (თბილისი), ჩაქვი (ჩაქვი).

ყოველდღიური სპორტული გაზეთი "ლელო"
82
მკითხველის კომენტარები / 0 /
მსგავსი ამბები
რუბრიკის სხვა სიახლეები