[რაგბი] 2 და 5 დეკემბერს, სამხრეთ აფრიკასთან...

საქართველოს 19-წლამდელთა ნაკრები, რომელიც 2020 წლის მსოფლიოს ახალგაზრდული ჩემპიონატისთვის ემზადება, 2 და 5 დეკემბერს სამხრეთ აფრიკის 19-წლამდელთა ნაკრებთან ორ მატჩს გამართავს.

სამხრეთაფრიკელები თბილისში დღეს ჩამოვლენ. იქამდე კი საწვრთნელი შეკრება სტელენბოშის აკადემიაში გაიარეს. გუნდის მთავარი მწვრთნელი ჩინ რუ შეკრების პირველი დღეებით კმაყოფილია და იმედი აქვს, რომ ტურნეს განმავლობაში საკუთარ მორაგბეებს უკეთ გაიცნობს:

„ქართველებთან გასამართავი მატჩები საშუალებას გვაძლევს, რომ კომფორტის ზონიდან გამოვიდეთ. მივემგზავრებით უცხო ქვეყანაში, სადაც ცივ ამინდებში მოგვიწევს თამაში და, ვფიქრობ, კარგი თავგადასავალი გამოგვივა. ჩვენთვის, მწვრთნელებისთვის ეს ბრწყინვალე შესაძლებლობაა, რომ კიდევ უფრო კარგად გავიცნოთ ჩვენი მორაგბეები“.

ჯეიდენ ჰენდრიქსი, სამხრეთ აფრიკის 19-წლამდლეთა ნაკრების მორაგბე:

„მოხარული ვარ, რომ 19-წლამდელთა ნაკრებში გამომიძახეს. შესანიშნავი მორაგბეები შევიკრიბეთ და საწვრთნელ ბაზაზე ფანტასტიკური ატმოსფეროა. მოუთმენლად ველოდებით საქართველოში გამგზავრებას და მოედანზე თავის გამოჩენის შესაძლებლობას. სხვა ქვეყანაში გამგზავრება ყოველთვის კარგია. საქართველოს წინააღმდეგ ადრეც მითამაშია. მომავალი მეტოქე ფიზიკურად ძლიერი გუნდია. მორაგბეები აღნაგობას დიდ ყურადღებას უთმობენ და ორი საინტერესო თამაში გვექნება“

    საქართველოს ნაკრები    

პირველი ხაზი: ლუკა ახვლედიანი (არმაზი), ნუგზარ სომხიშვილი (არმია), გიორგი ჭანია (ლელო), საბა კურატაშვილი (არმაზი), გუგა ტაბატაძე (ლელო), ლუკა პეტრიაშვილი (ხვამლი), საბა ხონელიძე (აია), მამუკა მსტოიანი (აკადემია), ირაკლი მჭედლიძე (ლელო), ნიკა ნარმანია (არმაზი)

მეორე ხაზი: ლუკა მაჭარაშვილი (ორიაკი), ვლადიმერ ჩაჩანიძე (ბაიონი), ვაჟა მაისურაძე (ყაზბეგი), გიორგი სინაურიძე (აია)

მესამე ხაზი: ლუკა ივანიშვილი (ჯიქი,), ბექა ყორიაული (ლელო), თორნიკე ზაქარიაძე (ლელო), იოანე იაშაღაშვილი (ბაიონი), საბა კურტანიძე (ხვამლი), ანდრო ღარიბაშვილი (ხარები), ლუკა კოხია (არმაზი), დავით ლომიძე (ხარები).

9: გიორგი მარგალიტაძე (ლელო), გუგა მარგველაშვილი (აია), ლუკა მატკავა (არმაზი)

10: სანდრო მარგიანი (აკადემია), სერგი ჩხაიძე (იუნკერები)

12-13: გივი ცინცაძე (არმაზი), ირაკლი სიმსივე (აია), ლაშა ლომიძე (აია), დემე თაფლაძე (ლელო), ლუკა ხეხელაშვილი (ლელო), ზაურ ლუტიძე (ხვამლი)

11-14: ზურაბ ქავთარაძე (ხარები), ლევან ბრაგვაძე (არმაზი), დავით გასვიანი (აია), თემურ კოხოძე (აია), ოთარ ლაშხი (ლელო), ნიკოლოზ ძნელაძე (აია), დავით გობეჯიშვილი (აია)

15: გიორგი მიქანაძე (აკადემია), თემო ჭიჭინაძე (ორიაკი)

789
მკითხველის კომენტარები / 0 /
მსგავსი ამბები
რუბრიკის სხვა სიახლეები
;