რაგბი. I ლიგა. V ტური: ვეფხვები უკონკურენტოდ რჩებიან

საქართველოს ჩემპიონატის პირველ ლიგაში მე-5 ტურის მატჩები გაიმართა. გათამაშებას დაუმარცხებლად ისევ პატარძეულის "ვეფხვები" ლიდერობს.

საგულისხმოა, რომ ამ გუნდმა ერთ-ერთი კონკურენტი, თბილისის "ივერია" შინ დამაჯერებლად დაამარცხა - 59:20. უნდა ვივარაუდოთ, რომ პატარძეულელთა შეჩერებას ვერავინ მოახერხებს.

მართალია, წინ კიდევ ცხრა ტურია, მაგრამ განვლილმა მატჩებმა გვიჩვენა, რომ "ვეფხვები" უმაღლეს ლიგაში აღზევების უმთავრესი კანდიდატები არიან.

პატარძეულის გუნდს ხუთი ქულით ჩამორჩება და ასევე, დიდი ალბათობით, პლეი ოფში გასვლისთვის იბრძოლებს ქუთაისის "არესი", რომელმაც საკუთარ მოედანზე კიკეთის "იუნკრებს" სძლია 26:10.

ქუთათურებს კონკურენციას ბოლნისის "ყოჩები" უწევს, რომელმაც სტუმრად დაამარცხა თბილისის "დინამო" - 26:14.

I ლიგა. V ტური
დინამო-ყოჩები 14:26
ვეფხვები-ივერია 59:20
არესი-იუნკერები 26:10
ხულიგანა-არწივები 13:26

ა გ თ მ ფ წ პ სხვ. ქ
1. ვეფხვები 5 5 0 0 3 +148 23
2. არესი 5 4 0 1 1 +49 18
3. ყოჩები 5 3 1 1 1 +17 15
4. ივერია 5 3 0 2 1 -7 14
5. არწივები 5 2 1 2 0 -30 10
6. დინამო 5 1 0 4 0 -25 6
7. იუნკრები 5 0 1 4 0 -50 3
8. ხულიგანა 5 0 1 4 0 -102 3

მეორე ლიგის აღმოსავლეთ ზონაში შესვენებაა. ამჟამად, მხოლოდ დასავლეთ ზონელები ასპარეზობენ. თავის ისტორიაში პირველი გამარჯვება მოიპოვა ზესტაფონის "არწივებმა", რომელმაც შინ ქედის "ფირალები" დაამარცხეს - 15:3.

დასავლეთ ზონაში პირველობისთვის მებრძოლი სამი გუნდი გამოიკვეთა. თუმცა, მათ შორის გამორჩეული მაინც ახალციხის "ტაოა", რომელმაც მე-9 ტურში სტუმრად უშუალო კონკურენტი "ჭიათურა" დაამარცხა - 24:8.

მესამე მებრძოლი ფოთის "რაინდებია", რომელმაც ასევე სტუმრად სძლია ვანის "აიეტს" - 34:0.

II ლიგა. დასავლეთი ზონა. IX ტური
არწივები-ფირალები 15:3, აიეტი-რაინდები 0:34, ჭიათურა-ტაო 8:24

1. ტაო - 33 ქულა, 2. რაინდები - 28, 3. ჭიათურა - 27, 4. წყალტუბო - 18, 5. აიეტი - 7, 6. ფირალები - 6, 7. არწივები - 4.

ყოველდღიური სპორტული გაზეთი "ლელო"
1508
მკითხველის კომენტარები / 0 /
მსგავსი ამბები
რუბრიკის სხვა სიახლეები