რაგბი. U20. მსოფლიოს ჩემპიონატი: ბოლო ეტაპზე 26 შეირჩევა

მსოფლიო რაგბის 20-წლამდელთა ჩემპიონატის დაწყებამდე ორ კვირაზე ნაკლები რჩება. საქართველოს ახალგაზრდული ნაკრები ამ უმნიშვნელოვანესი შეჯიბრებისთვის "შევარდენის სანაკრებო ბაზაზე" მზადებას განაგრძობს.

ჩვენი გუნდი საფრანგეთში 23 მაისს გაემგზავრება და 30 მაისს პირველ მატჩს პერპინიანში სამხრეთ აფრიკის ნაკრებთან გამართავს. 3 ივნისს კი ბეზიეში მეტოქე მასპინძელთა გუნდი იქნება, ხოლო ჯგუფური ეტაპის ბოლო მატჩში 7 ივნისს, ნარბონში ირლანდიის ნაკრებს დაუპირისპირდება.

იქამდე კი საქართველოს ახალგაზრდული ნაკრები 19 მაისს 20 საათზე, "ავჭალის სარაგბო სტადიონზე" ინგლისის საგრაფოების 20-წლამდელთა ნაკრებს შეხვდება. მეორე მატჩი კი 25 მაისს რუსთავში გაიმართება და ინგლისელების მეტოქე საქართველოს 20-წლამდელთა ნაკრების უახლესი რეზერვი იქნება, რომელიც ძირითადად 19 წლის მორაგბეებით იქნება დაკომპლექტებული.

ინგლისის საგრაფოების 20-წლამდელთა ნაკრებთან თამაშის შემდეგ დასახელდება სწორედ იმ 26 მორაგბის ვინაობა, რომლებიც საფრანგეთში მსოფლიოს ახალგაზრდულ ჩემპიონატზე გაემგზავრებიან.

20-წლამდელთა დასკვნით შეკრებაზე არიან:

პირველი ხაზი: გურამ გოგიჩაშვილი (მეტრო რასინგი), გიორგი ნუცუბიძე (ჯიქი), ლევან პაპიძე (ლელო), თენგიზ ზამთარაძე (ლელო), სოსო ჭყოიძე (ლელო), გიორგი მენაბდე (ბათუმი), ლუკა ჯაფარიძე (ლელო), გია ხარაიშვილი (არმაზი), ლუკა აზარიაშვილი (მონპელიე), ლაშა მაჭარაშვილი (მონ დე მარსან)
მეორე ხაზი: ლაშა ჯაიანი (ექსეტერი), ბექა საღინაძე (ლელო); ლუკა გელაშვილი (ჯიქი), არჩილ აბესაძე (ლელო)
მესამე ხაზი: სანდრო მამამთავრიშვილი (ლელო), თორნიკე ჯალაღონია (ჯიქი), თენგიზ გიგოლაშვილი (არმაზი), არსენ მაჩალაძე (აია)
#9: გელა აფრასიძე (მონპელიე), ლუკა დვალიშვილი (არმაზი), მიხეილ ალანია (ჯიქი)
#10: თედო აბჟანდაძე (აია)
#12-13: გიორგი წიკლაური (ჯიქი), სანდრო სვანიძე (არმაზი), ლაშა ლომიძე (აია).
#11-14: დემეტრე თაფლაძე (ლელო), ზურაბ ქავთარაძე (ხარები), ოთარ ძაგნიძე (აია), თემურ ჭიჭინაძე (ჯიქი), კოტე მარჯანიშვილი (ლოკომოტივი)
#15: ბექა მამუკაშვილი (ლელო), გიორგი მიქანაძე (არმაზი)

მსოფლოს ჩემპიონატი

30 მაისი
საქართველო-სამ.აფრიკა

3 ივნისი
საქართველო-საფრანგეთი

7 ივნისი
საქართველო-ირლანდია

ყოველდღიური სპორტული გაზეთი "ლელო"
566
მკითხველის კომენტარები / 0 /
მსგავსი ამბები
რუბრიკის სხვა სიახლეები