რაგბი. U20: ორი საკონტროლო ფრანგებთან

საქართველოს ახალგაზრდული ნაკრები საფრანგეთში გაემგზავრა, სადაც მსოფლიოს 20-წლამდელთა ჩემპიონატისთვის მზადებას განაგრძობს.

ჩვენი გუნდი "მარკუსიში", საფრანგეთის ნაკრების ბაზაზე ათდღიან შეკრებას გაივლის და ამ ქვეყნის 20-წლამდელთა ნაკრების უახლოეს რეზერვს ორჯერ გაეჯიბრება. მატჩები 11 და 16 თებერვალსაა დაგეგმილი.

"გვსურს ჩვენი სათამაშო კომბინაციები უფრო მაღალი დონის გუნდებთან გამოვცადოთ და ამ ეტაპზე მეტოქე ჩვენს მოთხოვნებს სრულად აკმაყოფილებს.

საფრანგეთის 20-წლამდელთა პირველი ნაკრები ექვსი ერის გათამაშებაში ასპარეზობს და მათ ფიზიკურად ვერაფრით შევხვდებოდით.

საფრანგეთში ეროვნული ნაკრებისთვის კანდიდატების შერჩევა 18 წლიდან იწყება, მოთამაშეები სპეციალური, გრძელვადიანი პროგრამით ემზადებიან და დარწმუნებული ვარ, ძლიერი გუნდით დაგვხვდებიან, როგორც სისტემებით, ასევე სისწრაფეებით, რაც ჩვენთვის მნიშვნელოვანია.

იმ 19 და 20 წლის ბიჭებისთვის, ჩვენთან თამაში დიდი გამოწვევა იქნება და ამ მატჩებისგან დიდ სარგებელს მივიღებთ" - თქვა რაგბის კავშირის ოფიციალურ ვებგვერდთან საუბრისას საქართველოს ახალგაზრდული ნაკრების მთავარმა მწვრთნელმა ილია მაისურაძემ.

ფრანგულ შკრებაზე გუნდს კვლავ დააკლდებიან 18-წლამდელთა ნაკრების მოთამაშეები, რომლებიც ასაკობრივი ევროპის ჩემპიონატისთვის ემზადებიან. ასევე არ იქნება ლეგიონერების დიდი ნაწილი.

ამათგან საფრანგეთში გუნდთან ერთად მოემზადებიან "მონ დე მარსანის" შერკინების ბურჯი ლაშა მაჭარაშვილი და მგეზავი თედო აბჟანდაძე, რომელიც ირლანდიაში ტერენორის კოლეჯში თამაშობს.

შეგახსენებთ, რომ მსოფლიოს ახალგაზრდულ ჩემპიონატზე, რომელიც საფრანგეთში გაიმართება, საქართველოს ნაკრების მეტოქეები საფრანგეთის, სამხრეთ აფრიკისა და ირლანდიის ნაკრებები არიან.

საქართველოს ნაკრები

შერკინება: გურამ გოგიჩაშვილი (ლოკომოტივი), ლევან პაპიძე, თენგიზ ზამთარაძე, ლუკა ჯაფარიძე, ბექა საღინაძე, სანდრო მამამთავრიშვილი, არჩილ აბესაძე,

რატი ჟორჟოლიანი (ყველა-ლელო), გიორგი მენაბდე (ბათუმი), გიორგი ხარაიშვილი (ხაშური), ლაშა მაჭარაშვილი (მონ დე მარსანი), ლუკა გელაშვილი,

თორნიკე ჯალაღონია, გიორგი ნუცუბიძე (ყველა-ჯიქი), სანდრო კალმახელიძე (არმია), თენგიზ გიგოლაშვილი (არმაზი), არსენ მაჩალაძე (აია);

უკანა ხაზი: ლუკა დვალიშვილი, სანდრო სვანიძე (ორივე-არმაზი), ელგუჯა კიკვაძე (ბაგრატი), თენგიზ პერანიძე, ბექა აბულაშვილი, ბექა მამუკაშვილი, გიორგი ასათიანი (ყველა-ლელო),

თედო აბჟანდაძე (ტერენორ კოლეჯი, ირლანდია), რევაზ ხარაზიშვილი (ლოკომოტივი), გიორგი წიკლაური (ჯიქი), ლევან ნარიმანიძე (ხარები), ოთარ ძაგნიძე (აია), კოტე მარჯანიშვილი (ჩოხოსნები), დურმიშხან ჯაბნიძე (ბათუმი).

ყოველდღიური სპორტული გაზეთი "ლელო"
862
მკითხველის კომენტარები / 0 /
რუბრიკის სხვა სიახლეები
;