რაგბი. U20. რუსებს ახალგაზრდები იოლად უგებენ

საქართველოს ახალგაზრდულმა ნაკრებმა მსოფლიოს ჩემპიონატისთვის მზადება დაიწყო.

ჩვენმა გუნდმა ახლახან ფიზმომზადების ეტაპი გაიარა და გუშინ, რუსთავში რუსეთის ახალგაზრდულ ნაკრებს დაუპირისპირდა, რომელიც საქართველოში საწვრთნელ შეკრებაზე იმყოფება.

საქართველოს ახალგაზრდულმა ნაკრებმა, როგორც მოსალოდნელი იყო, მეტოქე დიდი ანგარიშით 52:12 დაამარცხა.
ლადო კილასონია, საქართველოს ახალგარდული ნაკრების მწვრთნელი:

"მოსამზადებელ ეტაპზე ეს ჩვენი პირველი თამაში იყო. ვნახეთ, როგორ მუშაობს ის დეტალები, რაზეც განვლილ პერიოდში ვიმუშავეთ. ვფიქრობ, მიცემული დავალებების მხოლოდ 10 პროცენტი თუ შესრულდა და ჯერჯერობით ძალიან შორს ვართ იმ თამაშამდე, რაც მსოფლიოს ჩემპიონატზე გველოდება. თუმცა, იგრძნობა პოტენციალი და შესაძლებელია ამ დონის მნიშვნელოვნად აწევა, რის დახვეწასაც მუშაობის პროცესში ვეცდებით.

ამჯერად ვათამაშეთ ის მორაგბეები, რომლებიც თავისუფლები იყვნენ და მიგვაჩნია, რომ საუკეთესოები არიან. გაისინჯა რამდენიმე ახალი მოთამაშეც. ნოემბრის დასაწყისში გვქონდა პირველი, ერთკვირიანი შეკრება, რომელიც თამაშის საბაზო კომპონენტებს დაეთმო. ამ საკონტროლო მატჩების შემდეგ ცოტას დავისვენებთ და მზადებას იანვრიდან განვაგრძობთ."

ყოველდღიური სპორტული გაზეთი "ლელო"
882
მკითხველის კომენტარები / 0 /
მსგავსი ამბები
რუბრიკის სხვა სიახლეები
;