რას ერჩის მწვრთნელი გიორგი შერმადინსა და უნიკახას?! [VIDEO]

გიორგი შერმადინის "უნიკახამ" დასანანი მარცხი იწვნია რუსეთში "ხიმკისთან" - 66:68. დასანანი იმიტომაც იყო, რომ მთელი შეხვედრის განმავლობაში წინ ესპანელები იყვნენ და ბოლოს დათმეს... და მეორე - ამ წაგებით მალაგელებმა საპლეიოფო რვაეულში მოხვედრას დიდი კითხვის ნიშანი დაუსვეს. ისინი უკვე სამი მოგებით ჩამორჩებიან მერვეადგილოსან "მაქაბის".

როგორც ხშირად ხდება ხოლმე, წაგებაზე პასუხისმგებლობას მწვრთნელი, ჟოან პლაზა აიღებს და მართალიც იქნება: ვინ მოსთვილის, მერამდენე მატჩია, რომელშიც მისი გუნდი ბოლო წამებზე აგებს. ცხადია, საკალათბურთო საქმეში ნებისმიერ მედიელზე მეტი მწვრთნელმა იცის, მაგრამ მაინც უნდა ვთქვათ: როდესაც საფინალო სირენამდე 2 წუთით ადრე 66:60-ს იგებ, დარჩენილ დროში 0:8 არ უნდა წააგო.

მალაგელებს მართლად მრავალფეროვანი შეტევითი არსენალი აქვთ, რასაც სათანადოდ ვერ იყენებენ. ვინც მატჩს თვალი მიადევნა, მიკერძოებაში არ ჩამოგვართმევს, თუ ვიტყვით - რამდენჯერაც გიორგი შერმადინმა ბურთი მიიღო, იმდენჯერ წესების დარღვევის გარეშე ვერ შეაჩერეს. დარწმუნებულნი ბრძანდებოდეთ, ბოლო წუთებზე მოედანზე ავგუსტინის ნაცვლად ქართველი რომ ყოფილიყო, ორწუთიან მონაკვეთს მშრალად არ დაასრულებდა.

ქართველი ცენტრი თამაშში სათადარიგოთა სკამიდან ჩაერთო და 3 წუთში 6 საჯარიმო გამოიყენა, გუნდი 20:14 დაწინაურდა, მაგრამ მწვრთნელმა იგი მაინც მალე გაიყვანა. შერმადინმა სულ 11 წუთი ითამაშა 7 ქულა (7-დან 8 საჯარიმო) და 2 მოხსნა მოაგროვა. მეტოქეებს წესები ექვსჯერ დაარღვევინა. 11 წუთიან კაცზე 6-ჯერ რომ დაჯარიმდები, ეს მეტისმეტია...

მატჩის ბომბარდირი რუსი ალექსეი შვედი (22 ქულა) გახდა, რომელმაც ბოლო წამებზე სამქულიანი ააცილა, გილმა კი შეტევაში მოხსნა და გამარჯვებისა დაამატა - 68:66.

1839
მკითხველის კომენტარები / 0 /
მსგავსი ამბები
რუბრიკის სხვა სიახლეები
;