რას ფიქრობს გულშემატკივარი ქართულ ფეხბურთზე?

ფეხბურთის განვითარების ფონდის ინიციატივით, გულშემატკივრების გამოკითხვა ჩატარდა, რომლის კითხვებიც საფეხბურთო კლუბების ოფიციალურ გვერდებზე იყო განთავსებული.

ეს საქართველოში მსგავსი სახის პირველი კვლევაა. მიზანი იყო, გაეგოთ, როგორია გულშემატკივრის დემოგრაფიული განაწილება; როგორია გულშემატკივრის დამოკიდებულება ეროვნულ ჩემპიონატში განხორციელებულ ცვლილებზე; როგორ აფასებს გულშემატკივარი მისთვის საყვარელი კლუბის გამოსვლას ეროვნული ჩემპიონატის 2017 წლის გათამაშებაში, რას მიიჩნევს წარმატების თუ წარუმატებლობის მიზეზად; სამომავლოდ გულშემატკივარი რის გაუმჯობესებას ისურვებდა და ა.შ. კვლევაში 1785 რესპოდენტი მოანიწლეობდა.

კვლევის შედეგები ფეხბურთის განვითარების ფონდმა წარმოადგინა და საინტერესო ფაქტები დაფიქსირდა.

ასაკი

გამოკითხულთა უმრავლესობა (68%) 30 წლამდე ასაკის რესპოდენტი აღმოჩნდა. რაც შეეხება 51+ ასაკის გულშემატკივარს, მხოლოდ 5%-ია. ფონდის შეფასებით, ეს შეიძლება იმითაც იყოს გამოწვეული, რომ ამ ასაკის გულშემატკივარი არ სარგებლობს სოციალური ქსელით და შესაბამისად, გამოკითხვაში მათი აქტივოვაბაც დაბალია.

რომელ გუნდს გულშემატკივრობთ?

გულშემატკივრის 87% ეროვნული ლიგა 1-ის და ეროვნული ლიგა 2-ის 18 გუნდზე მოდის. სამეული ასე გამოიყურება.
თბილისის დინამო 18 %
ტორპედო ქუთაისი 11 %
ბათუმის დინამო 8 %

ახერხებთ საყვარელი გუნდის თამაშზე დასწრებას?

კვლევის შედეგად აღმოჩნდა, რომ რესპოდენტთა 17% თამაშებზე დასწრებას მხოლოდ იმის გამო ვერ ახერხებს, რომ სამუშაო და სასწავლო დროს იმართება. მათგან 90 % შეძლებდა დასწრებას, თამაშები საღამოს თუ გაიმართება. 8 % კი იმიტომ ვერ ახერხებს, რომ საშინაო თამაშები სხვა ქალაქში ტარდება.

ვრცლად კვლევის შედეგები ხვალინდელ "ლელოში" შეგიძლაით იხილოთ.

564
მკითხველის კომენტარები / 0 /
მსგავსი ამბები
რუბრიკის სხვა სიახლეები