რატომ არ არის ნაკრებში ზურაბ ჟვანია? მილტონ ჰეიგის პასუხი

გაგახსენებთ, რომ 26 ივნისს მორაგბე ზურაბ ჟვანიამ ფეისბუქზე დაწერა, რომ ნაკრებში მის არგამოძახებაში კერძო ინტერესებს ხედავს.

27-ში პრესკონფერენციაზე რაგბის კავშირის პრეზიდენტმა გოჩა სვანიძემ მოკლედ უპასუხა:

- არც ფედერაციას და არც სხვა ვინმეს, ნაკრების მწვრთნელების საქმეში ჩარევის უფლება არა აქვს. ზურაბ ჟვანიას დაწერილმა დაგვაფიქრა, მოვიკითხეთ, ხომარ ყოფილა მსგავსი ჩარევის მცდელობა. საბედნიეროდ, აღმოჩნდა, რომ არ ყოფილა. მესმის ჟვანიას პოზიცია, ის განაწყენებულია, მაგრამ კიდეც ერთხელ გავიმეორებ, შემადგენლობას ნაკრების სამწვრთნელო შტაბი არჩევს.

თავის მხრივ, მთავარმა მწვრთნელმა მილტონ ჰეიგმა განაცხადა:

- ნაკრებში ჩავატარეთ ტესტი, რომელიც წინასწარ იყო დაანონსებული. იმ მომენტისთვის ყველა საუკეთესო ფორმაში უნდა ყოფილიყო. ბორჯღალოსნების 95-მა პროცენტმა ტესტი ჩააბარა, ჟვანია კი დარჩენილ 5 პროცენტში აღმოჩნდა... ერთი მორაგბე, რომელიც ასევე ზემოთნახსენებ 5 პროცენტში იყო, დღეს ნაკრებში გამოძახებულთა შორისაა, თუმცა მხოლოდ იმიტომ, რომ მის პოზიციაზე მყოფ ჩვენს მიერ შეგულებულ მოთამაშეს ტრავმა აქვს და საკითხავია, მოასწრებს თუ არა მსოფლიოს თასამდე გამოჯანმრთელებას. მსგავსი სიტუაციის შემთხვევაში არც ჟვანიას ნაკრებში დაბრუნებაა გამორიცხული.

3404
მკითხველის კომენტარები / 1 /
gela
0
ვერ დავიჯერებ, რომ "უოსპსის" მორაგბე, რომელიც, მაგალითად,"სარასენსის" წინააღმდეგ ძირითად შემადგენლობაში იყო, სანაკრებო კონდიციები არ ჰქონდა ტესტისას))) და ამ სიაში მყოფებს ჰქონდათ)))
მსგავსი ამბები
რუბრიკის სხვა სიახლეები
;