რატომ არ არის ძირითად შემადგენლობაში კვირკველია?

ისე არ გაგვიგოს მკითხველმა, თითქოს დავით ხოჭოლავასი რაიმე საწინააღმდეგო გვქონდეს, უბრალოდ, საქართველოს ნაკრების დაცვის ცენტრში უცვლელ ტანდემად იქცა გურამ კაშიასა და საბა კვირკველიას წყვილი. თუმცა ვლადიმირ ვაისს ყოველთვის გვერდით ჰყავს "შახტარის" მცველიც, რომელიც ნებისმიერ საჭირო მომენტში მზად არის, იტვირთოს ერთ-ერთი ცენტრალური მცველის როლი.

ეტყობა, ეს მომენტია ახლაც - ვლადიმირ ვაისმა სასტარტო შემადგენლობაში სწორედ ხოჭოლავა დააყენა კვირკველიას ნაცვლად. თავიდან, გაჩნდა ეჭვი, რომ მოსკოვის "ლოკომოტივის" მცველმა ტრავმა მიიღო, თუმცა ოფიციალურად ამგვარი ინფორმაცია არ გავრცელებულა. შესაბამისად, უნდა ვიფიქროთ, რომ ვაისის გადაწყვეტილება სხვა მოსაზრებებითაა ნაკარნახევი.

ჩვენი ინფორმაციით, ნაკრების მწვრთნელმა ჩათვალა, რომ ამ კონკრეტული მომენტისთვის, გამომდინარე მზადების პროცესიდან, დაცვის ცენტრში ხოჭოლავა უკეთესი ვარიანტია. ვაისი არ არის ის მწვრთნელი, რომელიც ამგვარ გადაწყვეტილებებს, თან შესარჩევი ციკლის სასტარტო მატჩში და ისიც შვეიცარიასთან (გიბრალტარი რომ იყოს, კიდევ გავიგებდით), რაიმე სხვა მოსაზრებით მიიღებდა. სრულიად გამოვრიცხავთ ექსპერიმენტსაც. ვაისი იშვიათად ცვლის სასტარტო შემადგენლობას, თუ ამის გარდაუვალი აუცილებლობა არ არის. დანარჩენს თამაში გვიჩვენებს.

1453
მკითხველის კომენტარები / 0 /
მსგავსი ამბები
რუბრიკის სხვა სიახლეები
;