რატომ აღარ ჩატარდება საქართველო-ჩილე?

საქართველოს ეროვნულ ნაკრებს 5 სექტემბერს ჩილეს უპირველეს გუნდთან უნდა ეთამაშა ამხანაგური მატჩი. გავრცელებული ინფორმაციით, ეს სპარინგი აღარ შედგება, რადგან ჩილემ 5 სექტემბრისთვის არგენტინის ნაკრებთან დაგეგმა ამხანაგური შეხვედრა.

საქართველოსა და ჩილეს ნაკრებების მომავალი შეხვედრის შესახებ საქართველოს ფეხბურთის ფედერაციას ოფიციალურად არსად განუცხადებია. მათ შორის, ინფორმაცია არ დადებულა საქართველოს ფეხბურთის ფედერაციის საიტზე. ამ შეხვედრის შესახებ ეროვნული გუნდის მთავარმა მწვრთნელმა ვლადიმირ ვაისმა ილაპარაკა. ეს ნათლად მეტყველებს იმაზე, რომ ფეხბურთის ფედერაცია ამ შეხვედრის ჩატარებაზე სერიოზულად მუშაობდა, მაგრამ... ჩანს, ბოლო მომენტში რაღაც არ გამოვიდა.

არადა, ნამდვილად ძალიან კარგი იქნებოდა გაჯიბრება ისეთ ძლიერ ნაკრებთან, როგორიც ჩილეა. "კოპა ამერიკაზეც" ვხედავთ, თუ რა ძალას წარმოადგენს ეს ნაკრები. როგორც საქართველოს ფეხბურთის ფედერაციაში გვითხრეს, მიმდინარეობს მუშაობა იმის თაობაზე, რომ 5 სექტემბერი არ გავაცდინოთ და ჩვენმა გუნდმა მაინც ითამაშოს ამხანაგური მატჩი რომელიმე სხვა ნაკრებთან. ვნახოთ, ახლა რა გამოვა ამ საქმიდან...

1665
მკითხველის კომენტარები / 1 /
თეიმურაზ რეხვიაშვილი
4
ძლიან კარგია რომ 5 სექტემბერს კიდევ ერთხელ არ შევრცხვებით,წინადადება მაქვს ამ დღეს ჩავატაროთ თამაში ვაისის ნაკრებსა და გულშემატკივრების მიერ შედგენილ ნაკრებს შორის და ვნახოთ რომელი ფეხბურთელია ღირსი ითამაშოს ბელორუსებთან
ყველა დაინახავს ვაისის არაკომპენტიურობას და დაკომპ
ლექტდება ნაკრები უძლიერესი ფეხბურთელებით
მსგავსი ამბები
რუბრიკის სხვა სიახლეები
;