რატომ გადადის თბილისის დინამო 'მიხეილ მესხზე'?

თბილისის "დინამომ" თავის ოფიციალურ "ფეისბუქის" გვერდზე გამოაქვეყნა საშინაო მატჩის ანონსი, საიდანაც ცნობილი გახდა, რომ გუნდი ფოთის "კოლხეთს" მიხეილ მესხის სახელობის სტადიონზე უმასპინძლებს. მატჩი 18 საათზე დაიწყება.

თბილისურმა კლუბმა, რომელსაც ქვეყნის მთავარი სპორტული სტადიონი ხანგრძლივი  იჯარით გადაეცა, მოედნის რეაბილიტაცია და  "მიხეილ მესხზე" დროებით გადასვლა "დინამო არენის" საფარის მდგომარეობის გამო გადაწყვიტა.

ეს ფეხბურთის ფედერაციის ინტერესშიც არის, რადგან ერთა ლიგაზე საქართველოსა და ლატვიის ნაკრებთა მატჩისას "დინამო არენის" მოედნის საფარი სასურველ მდგომარეობაში არ იყო, ანდორასთან 13 ოქტომბრის დაპირისპირება კი სწორედ ეროვნულ სტადიონზე დაიგეგმა.

თუმცა "დინამო" საკუთარ სტადიონზე რეალურად, მხოლოდ ერთ საშინაო შეხვედრას არ ჩაატარებს, სანაკრებო პაუზამდე თბილისელებს მხოლოდ "კოლხეთის" მასპინძლობა უწევდათ. დანარჩენი თამაშები კი გასვლაზე აქვთ.

2546
მკითხველის კომენტარები / 1 /
სოსო
0
ეგ ეყოფა დინამოს ბალახის საფარს?ძალიან ცუდ მდგომარეობაში იყო გაზონი.
მსგავსი ამბები
რუბრიკის სხვა სიახლეები
;