რატომ დაიწუნეს კვირკველია ზენიტში?

რობერტო მანჩინიმ ცოტა ხნის წინ დატოვა სანკტ-პეტერბურგის "ზენიტი" და იტალიის ნაკრები ჩაიბარა.

ნევისპირელების ახალი მთავარი მწვრთნელის ვინაობა ჯერ მხოლოდ არაოფიციალურადაა ცნობილი: დიდი ალბათობით, კლუბს "უფას" დამრიგებელი სერგეი სემაკი ჩაიბარებს...

თუმცა, "ზენიტი" ამ დანიშვნის ოფიციალურ გამოცხადებას ჯერ არ ჩქარობს. ამასობაში, რუსული მედია თემას აქტიურად განიხილავს. ინტერნეტგამოცემა Sportsdaily.ru-მ კი პეტერბურგელთა ახალ მთავარ მწვრთნელს ურჩია, ყურადღება გაამახვილოს ნიჭიერი ახალგაზრდების სელექციაზე, რათა მისი წინამორბედების შეცდომები არ გაიმეოროს.

ამ კონტექსტში Sportsdaily.ru -მ საქართველოს ნაკრებისა და მოსკოვის "ლოკომოტივის" მცველი საბა კვირკველია ახსენა.

"ზენიტს" ბოლო წლებში არაერთი საინტერესო მოთამაშე ჰყავდა, რომელიც ვერ შეინარჩუნა. მაგალითად, საბა კვირკველიაც იკმარებს. დიდწილად მისი დამსახურებაა, "ლოკომოტივი" რუსეთის ჩემპიონი რომ გახდა.

ბევრს არ ახსოვს, რომ ქართველი მცველი რუსულ კარიერას 9 წლის წინ სწორედ "ზენიტში" იწყებდა. საბა დუბლებში თამაშობდა და იმედისმომცემი ახალგაზრდა გახლდათ. მაგრამ ის დაიწუნეს და ჩათვალეს, რომ უკეთესები იყვნენ გამოცდილი ბრუნო ალვეში, ფერნანდო მეირა, მოგვიანებით ლუიშ ნეტუც იყიდეს. იმ დროს დასახელებული ფეხბურთელები მართლაც უკეთესები იყვნენ. მაგრამ მომავლის გადასახედიდან ეს სადავო გადაწყვეტილება გახლდათ.

ახალი მთავარი მწვრთნელის შერჩევისას შეცვლილი ეკონომიკური ფაქტორებიც გაითვალისწინეს. მანჩინის შემცვლელმა გუნდის განვითარება და ნიჭიერი ახალგაზრდების წარმოჩენა უნდა მოახერხოს", - წერს სპორტსდაილყ.რუ.

შეგახსენებთ, რომ საქართველოს ნაკრებისა და მოსკოვის "ლოკომოტივის" მცველმა, რომელმაც ახლახან რუსეთის ჩემპიონობა მოიპოვა, რუსული კარიერა სწორედ "ზენიტის" დუბლშემადგენლობაში დაიწყო.

ქართველი მცველი ნევისპირელთა დუბლშემადგენლობაში 2009-10 წლებში ირიცხებოდა, მაგრამ, არათუ ძირითადში დაწინაურება არ აღირსეს, დუბლებშიც მხოლოდ 9 მატჩი ჩაატარა და 2010 წელს ყაზანის "რუბინში" გადავიდა.

ყოველდღიური სპორტული გაზეთი "ლელო"
2198
მკითხველის კომენტარები / 1 /
ვახტანგ
0
რავი ჩელეს არ გაუკეტებია არაფერიო
მსგავსი ამბები
რუბრიკის სხვა სიახლეები
;