რატომ ისროლა სალაჰმა ბოთლი ფირმინოს გოლის შემდეგ? [VIDEO]

"ლივერპულმა" ჩემპიონთა ლიგის ჯგუფური ეტაპის სასტარტო მატჩში ტურნირის ერთ-ერთ ფავორიტ "პარი სენ-ჟერმენს" 3:2 მოუგო და ხაზი გაუსვა თავის ამბიციას - რაც შეიძლება შორს წავიდეს ამ ტურნირში, თვით ტიტულის მოგების ჩათვლით.

"ეს შესანიშნავი იყო. თამამად და ჟინით ვითამაშეთ. არ ვაძლევდით მოწინააღმდეგეს გაქცევის საშუალებას. ბრწყინვალედ ვიცავდით თავს...

სტარიჯი? მანაც ბრწყინვალედ ითამაშა. მართლა ასე ვფიქრობ! რაც შეეხება ფირმინოს, მატჩის წინა დღეს ისეთი სიტუაცია იყო, ჩანდა, რომ მას არ ჰქონდა თამაშის შანსი, მაგრამ თამაშის წინ როგორღაც შეძლო და გაახილა დაზიანებული თვალი. მეტიც - გამარჯვების გოლიც გაიტანა...

დღეს ჩვენთვის არ ყოფილა რაიმე ისეთი, რასაც არ ველოდით. ყველაფერი გათვალისწინებული გვქონდა. როცა პსჟ-ს ეთამაშები, 95 პროცენტით დახარჯვა საკმარისი ვერ იქნება, 100 პროცენტი უნდა დადო მოედანზე...

ადვილი არ არის, ერთდროულად გაუმკლავდე ნეიმარს, დი მარიას... მაგრამ მე რაღაც არ მაგონდება, რომ მათ ბევრი საგოლე შანსი ჰქონდათ", - ამბობს კლოპი.

ჩემპიონთა ლიგა. მესის ჰეთ თრიკი, ფირმინოს საფირმო, კვირკველიას მარცხი [VIDEO]

ძალიან საინტერესო იყო ეპიზოდი, რომელიც ტელეკამერებმა რობერტო ფირმინოს გოლის შემდეგ დააფიქსირეს - გახარებული კლოპი "ლივერპულის" სათადარიგოთა სკამის წინ, სადაც ჩანს თამაშიდან გასული, გაბრაზებული მოჰამედ სალაჰი (პირდაპირ ვთქვათ, მან ჩააგდო თამაში და კილიან მბაპეს გოლიც მის შეცდომას მოჰყვა) ბოთლის სროლის მომენტში...

უცნაურია. თითქოს, უნდა გახარებოდა 92-ე წუთზე გატანილი გოლი, რომელმაც "ლივერპული" წინ გაიყვანა და ბოლოა მოაგებინა კიდეც...

არადა, ვიდეოზე კარგად ჩანს, როგორ ხარობენ "ლივერპულის" შეზარხოშებული გულშემატკივარი. მათ ხომ ფირმინოს გოლმა ბარ-რესტორნებში შესვლისა და იქ თავდავიწყებით მოლხენის საბაბი მისცა.

აქვე, პსჟ-ს მწვრთნელის თომას ტუხელის შეფასებაც არ უნდა იყოს უინტერესო: "ჩვენ კარგი პირველი ტაიმი გვქონდა და "ლივერპული" ნამდვილად არ იმსახურებდა ორი ბურთით დაწინაურებას. ამ სიტუაციაშიც კი არ დავნებდით და გავათანაბრეთ ანგარიში...

მეორე ტაიმში ძალიან უკმაყოფილო დავრჩი იმით, რომ ადვილად ვკარგავდით ბურთს, უფრო აგრესიულად უნდა წავსულიყავით წინ... მიმაჩნია, რომ არც საერთო ჯამში ვიმსახურებდით წაგებას...

...მაგრამ არა უშავს, ეს მხოლოდ პირველი მატჩია. უნდა გავაუმჯობესოთ თამაში 3 ფორვარდით, რათა ასეთი ტიპის თამაშების ბედი ჩვენს სასარგებლოდ გადავწყვიტოთ.

მჯერა, მომდევნო მატჩებში მოვუმატებთ. მბაპესაც აქვს მომატების ყველანაირი შანსი, ნეიმარსაც... ნეიმარი ყოველთვის სახიფათოა. მეორე გოლის მომენტმა მას შეიძლება კიდევ უფრო მეტი სტიმული მისცეს", - თქვა ტუხელმა.

1499
მკითხველის კომენტარები / 0 /
მსგავსი ამბები
რუბრიკის სხვა სიახლეები