რატომ იყო მსაჯის გადაწყვეტილებები საეჭვო?.. ლოკომოტივი დანიის ქვედალიგელთან დამარცხდა

  • სანდრო კობახიძე დანიელთა წინააღმდეგ

თურქულ შეკრებაზე მყოფმა "ლოკომოტივმა" პირველი ტესტმატჩი გამართა. თბილისელთა მეტოქე დანიის პირველი დივიზიონის (რანგით მეორე ლიგა) გუნდი "კიოგე" უნდა ყოფილიყო, მაგრამ საბოლოოდ გადაწყდა, რომ  "ფრედერისიას" შეხვდებოდა, რომელიც იმავე დივიზიონის გუნდია.

"ლოკომოტივს" საქართველოს 19-წლამდელთა ნაკრებში (რომელიც ასევე თურქულ შეკრებაზეა) გამოძახებული 3 მოთამაშე დააკლდა - მეკარე რევაზ ლომიძე, მცველი ცოტნე კაპანაძე და თავდამსხმელი გიორგი იაკობიძე.

მატჩის რეპორტაჟი  დანიურმა გამოცემა "ფრედერისია ავიზენმა" გაავრცელა:

"თურქულ შეკრებაზე "ფრედერისიამ" ბოლო საკონტროლო შეხვედრა გამართა. მატჩი ჩატარდა ევრენსეკის სტადიონზე, ქალაქ სიდესთან ახლოს, თბილისის "ლოკომოტივის" წინააღმდეგ. სტადიონზე ბალახი კარგი  ხარისხით არ გამოირჩეოდა, რადგან თითქმის მშრალი იყო და მორწყულს არ ჰგავდა...

"ფრედერისიას" უცნობი დონის ქართული გუნდი დაუპირისპირდა. ერთადერთი ინფორმაცია იყო ის, რომ "ლოკომოტივმა" გასულ სეზონში მეოთხე ადგილი დაიკავა საქართველოს ეროვნულ ლიგაში...

ქართველებმა შემდეგი შემადგენლობით დაიწყეს: ლუკა შეროზია, გიორგი გაბაძე, ალექსანდრე ანდრონიკაშვილი, ალექსანდრე გურეშიძე, დავით უბილავა, თორნიკე ძებნიაური, თემურ შონია, რევაზ ინჯგია, დავით სამურკასოვი, ალექსანდრე კობახიძე, ირაკლი სიხარულიძე.

ქართველებმა მატჩი მაღალი პრესინგით დაიწყეს, მე-10 წუთზე კი სახიფათო მომენტი შექმნეს. მატჩის მეოთხედი იყო გასული, როცა "ფრედერისიამ" თავადაც შეუტია. ანდრეს ოგესენის ძლიერი დარტყმა მეკარე ლუკა შეროზიამ მოიგერია, იქვე დენის ჰეგი ამატებდა, მაგრამ ბოლო მომენტში მცველმა ხელი შეუშალა...

თბილისელებმა ამის შემდეგ რამდენჯერმე სცადეს კარის აღება შორიდან დარტყმით, მაგრამ მეკარეს ვერაფერი მოუხერხეს. თავის მხრივ, "ფრედერისიამაც" სცადა სცადა შეტევის გამწვავება, განსაკუთრებით აგონ მუკოლიმ, მაგრამ პირველ ტაიმში ყველა ეს მცდელობა ამაო გამოდგა - 0:0.

შესვენების შემდეგ  "ფრედერისიაში" შვიდი ახალი მოთამაშე გამოჩნდა და გუნდმაც შეუტია. დანიური გუნდის მოთამაშეები სულ უფრო ღიზიანდებოდნენ თურქი მსაჯების საეჭვო გადაწყვეტილებებით. კრისტიან ეგენს საკმაოდ ეუხეშნენ და მან სიმწრისგან "ლოკომოტივის" თავდამსხმელს ხელი ჰკრა...

"ფრედერისიამ" კიდევ შეუტია, მაგრამ კრისტიან კირკეგორის შეტევის შემდეგ ქართველმა მეკარემ გუნდი გადაარჩინა. რამდენიმე წუთის შემდეგ კი უპირატესობა შედეგშიც აისახა. კირკეგორმა ანდერს ჰოვალდი მოძებნა, რომელიც მაშინვე დაარტყა - 1:0.

"ლოკომოტივი" შეტევების ორგანიზებას შეეცადა, მაგრამ არაფერი გამოუვიდა და საბოლოოდ, "ფრედერისიამ" მოიგო მატჩი მეტოქესთან, რომელიც დანიის სუპერლიგის გუნდებს ვერ შეედრება", - წერს "ფრედერისია ავიზენი".

808
მკითხველის კომენტარები / 0 /
მსგავსი ამბები
რუბრიკის სხვა სიახლეები
;