რატომ იჩხუბა ჟოზე მოურინიომ? [VIDEO]

"იუვენტუსი"-"მანჩესტერის" მატჩის დასრულებისთანავე, სანამ მწვრთნელები და ფეხბურთელები გასახდელს მიაშურებდნენ, იქვე პატარა ჩოჩქოლი ატყდა, რომელშიც მთავარი მოქმედი პირი ჟოზე მოურინიო გახლდათ. აბა, არ მესმის თქვენი რეაქცია?! - დაახლოებით ასე მიანიშნებდა პორტუგალიელი ყურზე მიდებული ხელით "იუვენტუსის" (შეიძლება, "მანჩესტერისაც") ფანებს, სასწაულებრივ შემოტრიალებული თამაშის შემდეგ.

ცხადია, ამან "იუვენტუსის" ფანების გაღიზიანება გამოიწვია, ჟოზემ კი ახსნა, რატომ მოიქცა ასე: "ეს ჟესტი იმიტომ გამოვიყენე, რომ მატჩის მსვლელობისას, მთელი 90 წუთის განმავლობაში, შეურაცხყოფას მაყენებდნენ. ჩემი ჟესტი იყო იმის მცდელობა, რომ მათთვის სათქმელი მეთქვა უფრო ხმამაღლა! ისინი შეურაცხყოფდნენ ჩემს ოჯახს და გუნდს. მეც ადამიანი ვარ და ნერვები მაქვს. სხვა შემთხვევაში ასე არ მოვიქცეოდი", - თქვა მოურინიომ.

რაკი ამ თამაშზე ვლაპარაკობთ და ერთი მხარის კომენტარი გაგაცანით, ბარემ "იუვეს" დამრიგებელ მასიმილიანო ალეგრისაც მოვუსმინოთ:

"ფაქტია, ჩვენ უნდა მოვუმატოთ შეტევის ბოლო ფაზაში. ეს იყო მიზეზი იმისა, რომ ჩვენთვის სასარგებლოდ ვერ დავასრულეთ შეხვედრა, რომელსაც ვიგებდით. "მანჩესტერს" ამ შეხვედრაში შეეძლო მხოლოდ "სტანდარტებიდან" გატანა და სამწუხაროდ, მეტოქეს მივეცით ამის საშუალება. რონალდომ შესანიშნავი გოლი შეაგდო, მაგრამ ჩვენ თუნდაც პირველ ტაიმში რამდენჯერმე უნდა გაგვეტანა. კარგი ის არის, რომ შედარებით ნაკლებად მნიშვნელოვან შეხვედრაში წავაგეთ".

 

469
მკითხველის კომენტარები / 0 /
მსგავსი ამბები
რუბრიკის სხვა სიახლეები