რატომ წავიდა ცეცაძე 'სამტრედიადან'?

ცნობილია, რომ გია ცეცაძემ `სამტრედია~ დატოვა და ამიერიდან მხოლოდ საქართველოს ახალგაზრდულ ნაკრებზე იქნება ორიენტირებული.

კლუბმა მომხდარზე ოფიციალური განმარტება გააკეთა, სადაც ნათქვამია, რომ ცეცაძეს ფეხბურთის ფედერაციამ ერთდროულად კლუბსა და ნაკრებში მუშაობის უფლება არ დართო.

`საქართველოს 21-წლამდელთა ნაკრების მთავარი მწვრთნელობის გამო, ფეხბურთის ფედერაციამ გიორგი ცეცაძეს `სამტრედიაში~ მუშაობის გაგრძელების ნება არ დართო.

შეგახსენებთ, რომ საქართველოს ფეხბურთის ფედერაციასა და საფეხბურთო კლუბ `სამტრედიას~ შორის შეთანხმების მიხედვით, გია ცეცაძეს გუნდში სანაკრებო პაუზის პერიოდში უნდა ემუშავა. ჩვენი გუნდი ულოცავს გია ცეცაძეს საქართველოს 21-წლამდელთა ნაკრების ამხანაგურ მატჩში გამარჯვებას, მადლობას უხდის მას თანამშრომლობისთვის და უსურვებს კარიერულ წინსვლასა და წარმატებას~, - წერია კლუბის განცხადებაში.

ამავე დროს, სამტრედიელთა პრესსამსახურმა ოფიციალურად დაადასტურა, რომ გუნდი გიორგი დარასელიამ ჩაიბარა. საინტერესო დამთხვევაა - ახალი მწვრთნელის თავკაცობით `სამტრედია~ პირველივე ოფიციალურ მატჩს (14 სექტემბერი) გამართავს `დილასთან~, რომელსაც დარასელია მიმდინარე სეზონში წვრთნიდა.

ყოველდღიური სპორტული გაზეთი "ლელო"
580
მკითხველის კომენტარები / 0 /
მსგავსი ამბები
რუბრიკის სხვა სიახლეები