რა მდგომარეობაშია მარკოიშვილის მუხლი?

21 თებერვალს საქართველოს კალათბურთელთა ნაკრები მსოფლიოს თასის შესარჩევი ეტაპის მატჩს საბერძნეთში გამართავს.

ჩვენს გუნდს ვერ დაეხმარებიან ევროლიგელები გოგა ბითაძე, თორნიკე შენგელია და მეტ ჯენინგი. თორნიკეს ტრავმა აქვს და ევროლიგამ რომც გამოუშვას, ვერ ითამაშებს.

კიდევ ერთი წამყვანი კალათბურთელი, რომელიც თებერვლის მატჩებში საქართველოს ნაკრებს ვერ დაეხმარება, მანუჩარ მარკოიშვილია.
მას უკრაინაში დავუკავშირდით და ჯანმრთელობის მდგომარეობაზე ვკითხეთ.

- მუხლზე ოპერაცია ხუთი თვის წინ გავიკეთე, თუმცა უკეთესობას ნამდვილად ვერ ვგრძნობ. მცირე დატვირთვისასაც კი მუხლი მისივდება. ამჟამად უკრაინაში ვარ და ვვარჯიშობ ისე, რომ ტრავმირებული ფეხი არ დავტვირთო, - გვითხრა მანუჩარმა, რომელიც საქართველოს ნაკრებში 2004 წლიდან თამაშობს.

ყოველდღიური სპორტული გაზეთი "ლელო"
872
მკითხველის კომენტარები / 0 /
მსგავსი ამბები
რუბრიკის სხვა სიახლეები