რა მისიით დაინიშნა სვანაძე?

ზაურ სვანაძე თბილისის "დინამოში"მუშაობას შეუდგა. 60 წლის გამოცდილ მწვრთნელს სხვადასხვა დროს შვედეთში, თბილისის "ლოკომოტივში", "დინამოში" (ასისტენტად), საქართველოს ნაკრებში (ასისტენტად), საქართველოს 19-წლამდელთა ნაკრებში უმუშავია. იყო ჯერ ბაქოს "ინტერის" მეორე მწვრთნელი, მერე კი ამ გუნდის დამრიგებელი. ბოლოს "დინამოში" გახლდათ მეორე მწვრთნელის რანგში.

გვახსოვს, სვანაძის გაწვრთნილი "ინტერი", ქრონიკული უსახსრობის მიუხედავად, ხშირად რომ ამწარებდა აზერბაიჯანული ფეხბურთის გრანდებს. სვანაძეს ვიცნობთ, როგორც ძალიან გაწონასწორებულ, თბილ ადამიანს, ვისაც მუდამ კარგი ურთიერთობა აქვს ფეხბურთელებთან.

საინტერესოა, რა ვადით იმუშავებს ის "დინამოს" მთავარ მწვრთნელად. როგორც შევიტყვეთ, კლუბის ხელმძღვანელობა დააკვირდება "დინამოს" შედეგებს და არ არის გამორიცხული, სვანაძემ მომავალ სეზონშიც გაწვრთნას დინამო". ამ მომენტისთვის აუცილებელი პირობაა, ახალმა მწვრთნელმა გუნდს ევროსაგზური მოაპოვებინოს.

არადა, ეს პერსპექტივა კითხვის ნიშნის ქვეშ დადგა მას მერე, რაც "დინამო" ბოლო პერიოდში ცუდად თამაშობს, "ტორპედო" და "ჩიხურა" კი შესანიშნავ ფორმაში არიან.

ყოველდღიური სპორტული გაზეთი "ლელო"
1335
მკითხველის კომენტარები / 0 /
მსგავსი ამბები
რუბრიკის სხვა სიახლეები
;