რა ცოტა დააკლდა... შენგელიას ბასკონია ევროლიგის 1/2 ფინალში ვერ გავიდა

თორნიკე შენგელიას "ბასკონიამ" ამ სეზონში ევროლიგაზე გამოსვლა დაასრულა. მან 1/4 ფინალში სერიის მეოთხე მატჩი დათმო ცსკა-სთან (83:92) და ჯამში 1:3 დამარცხდა.

არადა, საწყისი ორი შეხვედრის შემდეგ გუნდებმა ბასკეთში რომ გადაინაცვლეს, ანგარიში 1:1 იყო. ცსკა-მ ვიტორიაში ორივე მატჩი მოიგო და 1/2 ფინალში გავიდა.

მეოთხე შეხვედრა "ბასკონიამ" და შენგელიამ აგრესიულად დაიწყეს და ბოლო პერიოდამდე მატჩის სადავეებს ფლობდნენ, თუმცა მასპინძლებმა ბოლო ათწუთეული აშკარად ჩააგდეს - 12:24.

თორნიკემ 24 წუთში 11 ქულა და 5 მოხსნა მოაგროვა. მის გუნდში გამორჩეული იყო ვენსან პუარიე - 21. ცსკა-ს გამარჯვება კი 27-ქულიანმა ნანდო დე კოლომ განაპირობა.

1670
მკითხველის კომენტარები / 0 /
მსგავსი ამბები
რუბრიკის სხვა სიახლეები
;