რა წიგნებს გვირჩევს ირაკლი ძარია?

საკარანტინო პერიოდის ფეხბურთელების ერთგვარ გამოწვევად იქცა, როდესაც საყვარელ წიგნებს ასახელებენ. ბევრმა მათგანმა გულშემატკივარი ლიტერატურისადმი მიდრეკილებით გააოცა. საყვარელი ნაწარმოები დაასახელეს საქართველოს ნაკრების ნახევარმცველებმა, ოთარ კიტეიშვილმა და ვალერი გვილიამ.

ერთ-ერთი ასეთი წიგნის "ჭია" საქართველოს ნაკრების ყოფილი ნახევარმცველი ირაკლი ძარია აღმოჩნდა, რომელიც წელს ქუთაისის "ტორპედოში" ჩაირიცხა. მან გუნდის ოფიციალურ გვერდთან სამი საყვარელი წიგნი დაასახელა.

ირაკლი ძარიას სამი საყვარელი წიგნი: 1 - გურამ დოჩანაშვილის "სამოსელი პირველი"; 2 - ერიჰ მარია რემარკის "ტრიუმფალური თაღი"; 3 - ჟოზე სარამაბუს "იესოს სახარება".

გურამ დოჩანაშვილის "სამოსელი პირველი" ყველა იმ ადამიანს აქვს წაკითხული, ვისაც ქართული ლიტერატურა უყვარს და ბევრისთვის სამაგიდო წიგნია. ამიტომ მასზე არ შევჩერდებით.

ერიჰ მარია რემარკის "ტრიუმფალური თაღი" 1945 წელს გამოიცა. მწერალი მასში აღწერს გერმანელი ლტოლვილის ცხოვრებას, რომელიც პარიზში მეორე მსოფლიო ომამდე არალეგალურად გადავიდა. "ტრიუმფალური თაღი" გახდა მწერლის რიგით მეორე ბესტსელერი მსოფლიოს მასშტაბით.
ჟოზე სარამაგუმ (1922-2010) წერა 58 წლის ასაკში დაიწყო. მისი ყველაზე ცნობილი რომანი, "იესოს სახარება" 1991 წელს გამოიცა და სწრაფად მოუტანა ავტორს აღიარება. ამ ერთი შეხედვით სკანდალურ ნაწარმოებში იესოს ცხოვრებსი ავტორისეული ვერსიაა აღწერილი. "იესოს სახარებას" არაერთგვაროვანი შეფასება მოჰყვა. ვატიკანმა ნაწარმოებს "მკრეხელური" უწოდა, მწერალი კი კანონიკურ სახარებათა პაროდიის დაწერისთვის მწვალებლად შერაცხა. თუმცა, ლისაბონის კარდინალის სიტყვით, "არ არსებობს გონიერი მორწმუნე, რომელიც ამ რომანით არ აღფრთოვანდება". ასეა თუ ისე, "იესოს სახარებამ" განსაკუთრებული როლი შეასრულა ავტორის ბიოგრაფიაში და სწორედ მისი გამოქვეყნების შემდეგ გახდა სარამაგუ პირველი პორტუგალიურენოვანი მწერალი, რომელსაც ლიტერატურაში ნობელის პრემია მიანიჭეს.

"დარჩით სახლში, გავუფრხილდით საკუთარ და ერთმანეთის ჯანმრთელობას და ასე დავძლიეოთ პანდემია. მე ახლა ზესტაფონში ვარ, სადაც მშვენიერი ჰავა, კარგი ვარჯიშის და დასვენების საშუალებაა და ოჯახთან ერთად თავს კარგად ვგრძნობ. თუმცა, ფეხბურთი უზომოდ მომენტარა. ყოველდღე ვერა, მაგრამ კი ვარჯიშობ - ეზოში, ბავშვთან ერთად. სანამ სრულფასოვანი ვარჯიშები დაგვიწყია, ვისარგებლე შემთხვევით და წიგნების წაკითხვა დავიწყე, რასაც ყველას ვურჩევ. ბავშვობიდან ასეა. სხვათა შორის, სკოლაშიც ძალიან კარგად ვსწავლობდი. ფოთის იმ სკოლის შესასვლელში, სადაც ვსწავლოდი, 11 წელი ჩემი სურათი იყო" - ამბობს ირაკლი ძარია.

გამოცდილი ნახევარმცველი გვიყვება, რა ჟანრის ნაწარმოებები მოწონს: "სხვადასხვა ჟანრის წიგნები მომწონებია. ამ პანდემიის პერიოდში წავიკითხე აგატა კრისტის "მკვლელობა აღმოსავლეთის ექსპრესში", ახლა კი დავიწყე სტივენ კინგის "უძილობა", ზოგჯერ დეტექტივებს. მისტიკასა და ფანტასტიკასაც ვკითხულობ".

ირაკლი მორწმუნე ქრისტიანია და საინტერესოა, რა მოეწონა პორტუგალიელი ავტორის წიგნში, რომელმაც ქრისტიანული სამყაროს გაღიზიანება გამოიწვია: "სკანდალური რომ იყო, დავინტერესდი და წავიკითხე. ჩემთვის საინტერესო იყო. იესო ქრისტეს ცხოვრებაა გადმოცემული როგორც ადამიანის და არა როგორც ღმერთის. ამ რომანმა სარამაგუს აღიარება მოუტანა. თუმცა, ამას ჩემი რწმენა არ შეურყევია".

მან ქუთაისის "ტორპედოში" არსებულ ვითარებაზეც ილაპარაკა: "ყველა დარწმუნებულია, რომ ფაბიო მანინო გუნდს გადაიფორმებს და იმედია, ეს ვითარება მალე მოგვარდება. ქუთაისის "ტორპედო" კონკრეტული ფეხბურთელის არაა, ეს გუნდი ქალაქის და გულშემატკივრისაა და აუცილებელია, მაღალი მიზნებისთვის იბრძოლოს".

1414
მკითხველის კომენტარები / 0 /
მსგავსი ამბები
რუბრიკის სხვა სიახლეები
;