რბევა ელჩეში. ესპანეთი-ხორვატია 6:0 [VIDEO]

ესპანეთის ნაკრებმა ელჩეში რბევა მოუწყო გასული მუნდიალის ფინალისტ ხორვატიას. ლუის ენრიკეს გუნდმა 6 გოლი ხომ გაიტანა და, კიდევ არაერთხელ შეეძლო სტუმართა კარის აღება. ზლატკო დალიჩის ხორვატიამ კი თავი შეირცხვინა და ბევრს აფიქრებინა, რომ მსოფლიოს ასეთი ვიცე-ჩემპიონი არ ეკადრება...

"ფურია როხამ" ყველანაირი გემოვნების გოლი შეაგდო. განსაკუთრებით უნდა გამოვარჩიოთ მარკო ასენსიოს ფენომენალური გარჯა. "რეალის" ვარსკვლავმა ჯერ ულამაზესი დარტყმით გაიტანა, მერე კი ძელს დააძგერა ბურთი, რომელიც ხორვატთა მეკარე ლოვრე კალინიჩს მოხვდა და ისე შევარდა კარში. გარდა ამისა, ასენსიოს ანგარიშზე 3 საგოლე პასია.

ბელგია გასვლაზე უდიდეს უპირატესობას ფლობდა ისლანდიასთან და 3 გოლი ისე შეაგდო, ხეირიანად ოფლიც არ მოუდენია. დუბლი მიითვალა რომელუ ლუკაკუმ, ერთი გოლი კი აქტივში პენალტით ედენ აზარმა ჩაიწერა.

ესპანეთი-ხორვატია                          6:0

გოლებ: 1:0 საული (24), 2:0 ასენსიო (33), 3:0 ლ. კალინიჩი (35-საკ. კარში), 4:0 როდრიგო (49), 5:0 სერხიო რამოსი (57), 6:0 ისკო (70)

ესპანეთი (4-3-3): დე ხეა - კარვახალი (75. ასპილიკუეტა), ნაჩო, სერხიო რამოსი, გაია - საული (65. ტიაგო ალკანტარა), ბუსკეტსი (59. როდრი), სებალიოსი - ასენსიო, ისკო, როდრიგო.

ხორვატია (4-2-3-1): ლ. კალინიჩი - ვრსალკო (20. როგი), მიტროვიჩი, ვიდა, პივარიჩი - რაკიტიჩი, ბროზოვიჩი (62. პიაცა) - კოვაჩიჩი, პერიშიჩი, მოდრიჩი - სანტინი (71. ლივაია).

2332
მკითხველის კომენტარები / 1 /
სოსო
0
ისე სწრაფად გაიტანა ესპანეთმა 3 გოლი,რომ მეორე ტაიმი გადავრთე და მოლდავეთი- ბელორუსიის მატჩი ვუყურე.ძალიან გაშლილად და სწრაფად თამაშობენ ბელორუსები,არც მოლდაველები ჩამორჩნენ დიდად.უგოლოდ დამთავრდა,მაგრამ მომენტები საკმაოდ შეიქმნა.საშიში გუნდია ბელორუსი,სწრაფი,გამძლე,ორგანიზებული და საკმაოდ ტექნიკური,მაგრამ ჯგუფის ლიდერი ლუქსემბურგი გახდა.6 ქულით.
მსგავსი ამბები
რუბრიკის სხვა სიახლეები
;