რეალმა ბაიერნი მიუნხენში დაამარცხა და ფინალს მიუახლოვდა

ჩემპიონთა ლიგის ნახევარფინალში მიუნხენის "ბაიერნმა" მადრიდის "რეალს" უმასპინძლა და 1:2 დამარცხდა.

ანგარიში 28-ე წუთზე ჯოშუა კიმიხმა გახსნა. აღსანიშნავია "რეალის" მეკარის, კეილორ ნავასის შეცდომა, რომელიც ბურთის საწინააღმდეგო მიმართულებით წინასწარ წავიდა, თუმცა ნავასმა ფრანკ რიბერის ისეთი ბურთი აუღო რომ, შეიძლება ითქვას, შეცდომა გამოასწორა.

ანგარიში პირველი ტაიმის მიწურულს მარსელომ ყუმბარისებური დარტყმით გაათანაბრა, რომელსაც ვერც ულრეიხი აიღებდა და ვერც ნოიერი, მატჩის უკანასკნელი გოლი კი რაფინიას შეცდომის შედეგად მეკარესთან პირისპირ დარჩენილმა მარკო ასენსიომ შეაგდო.

განმეორებითი შეხვედრა 1 მაისს "სანტიაგო ბერნაბეუზე" გაიმართება.

996
მკითხველის კომენტარები / 0 /
მსგავსი ამბები
რუბრიკის სხვა სიახლეები
;