რეალში ავტოპარკი განაახლეს: ყველაზე ძვირი რამოსს, ყველაზე იაფი ზიდანს

გერმანული საავტომობილო კონცერნი Audi უკვე რამდენიმე წელია მადრიდის „რეალის“ სპონსორია და პერიოდულად, კლუბს უფასოდ სთავაზობს თავის ახალ მოდელებს. ასე მოხდა რამდენიმე დღის წინ.

როგორც გაზეთი AS წერს, მადრიდელთა მთავარმა მწვრთნელმა ზინედინ ზიდანმა თავისთვის ყველაზე იაფი მოდელი აირჩია - RS 3 Sportback TFSI quattro S tronic, რომელიც 63 310 ევრო ღირს. ასეთივე მოდელზე შეაჩერეს თავიანთი არჩევანი ქარიმ ბენზემამ და ტიბო კურტუამ.

მწვრთნელისგან განსხვავებით, გუნდის კაპიტანმა სერხიო რამოსმა ყველაზე ძვირი ავტომობილი აირჩია - A8 50 TDI quattro tiptronic 101 325 ევრო ღირს.

„რეალის“ ფეხბურთელებს შორის ყველაზე პოპულარული მანქანა გახდა მოდელი Q7 50 TDI quattro tiptronic. 76 335 ევროდ ღირებულ ავტოს 11-მა ფეხბურთელმა მიანიჭა უპირატესობა.

კიდევ შვიდმა მოთამაშემ აირჩია Q8 50 TDI quattro tiptronic (87 460 ევრო), ოთხმა - A7 Sportback 50 TDI quattro tiptronic (79 630 ევრო).

თანაგუნდელებს შორის გამოირჩა რაფაელ ვარანი. მან ერთადერთმა აირჩია e-tron 55 quattro (83 670 ევრო).

3996
მკითხველის კომენტარები / 0 /
მსგავსი ამბები
რუბრიკის სხვა სიახლეები
;