რევაზ დავითაძე ევროპის ჩემპიონია

ბუქარესტში გრძელდება ძალოსანთა ევროპის ჩემპიონატი. რუმინეთის დედაქალაქში საქართველოს ჰიმნი მეორედ აჟღერდა - ამჯერად კონტინენტის ჩემპიონობა 85 კილოგრამ წონით კატეგორიაში 19 წლის რევაზ დავითაძემ მოიპოვა. ახალგაზრდა ქართველმა ძალოსანმა ექვსივე ცდა გამოიყენა. ატაცში მან 163-კილოგრამიანი შტანგა დაიმორჩილა და მეორე ადგილზე გასულ პოლონერ კასპერ კლოსს 10 კილოგრამით აჯობა.

დავითაძემ წარმატებით იასპარეზა აკვრაშიც - ჯერ 183, შემდეგ 187 და 190 კილო დაძლია და ამ მოძრაობაში ვერცხლის მედალი ერგო. 191 კილოგრამით ოქროს მედალი ფრანგმა ბრენდონ ვაუტარდმა დაიმსახურა. ორჭიდის ჯამში დავითაძემ 353 კილოგრამით ოქრო არავის დაუთმო. ქართველ ძალოსანთაგან უფროსებს შორის ის პირველია, ვინც ამ ასაკში ევროპის ჩემპიონობა მოიპოვა.

85 კგ
1. რევაზ დავითაძე (საქართველო) – 353 (163+190)
2. კასპერ კლოსი (პოლონეთი) – 342 (153+189)
3. ბრენდონ ვაუტარდი (საფრანგეთი) – 335 (144+191)

ქალთა 69 კილოგრამ წონით კატეგორიაში თავი ისახელა თათია ლორთქიფანიძემ: მან 121 კილოგრამი აკრა და ამ მოძრაობაში ბრინჯაოს მედალი დაიმსახურა, ხოლო ატაცსა (93 კგ) და ორჭიდში (214 კგ) მეოთხე ადგილებზე გავიდა.
დღეს საღამოს რუმინულ ფიცარნაგზე საქართველოს ნაკრების წევრი, მსოფლიოს ჩემპიონი ანასტასია გოტფრიდი იასპარეზებს.

1306
მკითხველის კომენტარები / 1 /
ბექა
0
გოთფრიდი უკვე გახდა ჩემპიონი!!!
მსგავსი ამბები
რუბრიკის სხვა სიახლეები
;