რევაზ დავითაძე ორჭიდში ევროპის ჩემპიონია!

პოლონეთის ქალაქ ზამოსცში 20-წლამდელ ძალოსანთა ევროპის ჩემპიონატზე ეს-ეს არის დამთავრდა პაექრობები 85 კილოგრამ წონით კატეგორიაში. როგორც გაუწყეთ, ატაცში ოქროს მედალი რევაზ დავითაძემ მოიპოვა. პოლონური ნადავლი მან თითო ოქრო-ვერცხლით გაიმდიდრა. 

ქართველმა ათლეტმა აკვაშიც სამივე ცდა გამოიყენა. საბოლოოდ 196 კილოგრამით ვერცხლის მედალი მოიპოვა. მართალია, ამდენივე დაძლია ლატვიელმა რიტვარს სუჰარევსმა, მაგრამ მან წონა პირველმა დააფიქსირა და ოქროც მას ერგო. 186 კილოგრამით მესამე ადგილი ბართლომეი ადამუსმა (პოლონეთი) დაიკავა. ორჭიდის ჯამში კვარცხლბეკის უმაღლეს საფეხურზე რევაზ დავითაძე ავიდა. ამავე წონაში გამოდიოდა ნოდარ კაკაბაძე, რომელიც საბოლოოდ მეშვიდე იყო, არადა, აკვრაში ბრინჯაოს სანსი გაუშვა ხელიდან.

85 კგ

1. რევაზ დავითაძე (საქართველო) - 361 (165+196)

2. რიტვარს სუჰარევსი (ლატვია) - 360 (164+196)

3. ბართლომეი ადამუსი (პოლონეთი) - 344 (158+186)

7. ნოდარ კაკაბაძე (საქართველო) - 327 (145+182)

ყოველდღიური სპორტული გაზეთი "ლელო"
796
მკითხველის კომენტარები / 0 /
მსგავსი ამბები
რუბრიკის სხვა სიახლეები
;