/ექსკლუზივი/ რევაზ ძოძუაშვილი: შევადაროთ ერთმანეთს ქინქლაძე და ჩაკვეტაძე...

საქართველოს ნაკრების ბოლო ორი მატჩის შეფასება ვთხოვეთ ლეგენდარულ ფეხბურთელს რევაზ ძოძუაშვილს. ეროვნული გუნდი ყოფილმა მწვრთნელმა ამომწურავად ილაპარაკა ჩვენი სანაკრებო აწმყოსა და პერსპექტივის შესახებ...

- მოდით, ჯერ ზოგადად შევაფასოთ საქართველოს ნაკრების პირველი ორი მატჩი ერთა ლიგაში...

- შევთანხმდეთ, რომ ფეხბურთში მთავარი შედეგია. ასე მიიჩნევს მთელი მსოფლიო და რა უფლება გვაქვს, ჩვენ სხვა პოზიცია გვქონდეს. საქართველოს ნაკრებმა ორივე შეხვედრაში კარგად ითამაშა. განსაკუთრებით კარგი იყო ყაზახეთში ნაჩვენები თამაში. შესაძლოა, ლატვიასთან ჩვენი გუნდი ვეღარ იყო მთლად ისეთი კარგი, მაგრამ ყველაფერს აქვს თავისი მიზეზი. ასტანაში ჩვენმა გუნდმა ძალიან დიდი სამუშაო გასწია, დავამატოთ ამას მგზავრობა და რა გასაკვირია, რომ იყო გადაღლილობის მომენტი. საერთოდ, ჩვენ ვიცით, რომ ტურნირს იგებს ის გუნდი, რომელიც იმარჯვებს ისეთ შეხვედრებშიც კი, რომელშიც მისი თამაში არ არის იდეალური. ბევრი დადებითი რამ გამოჩნდა ჩვენი გუნდის მხრიდან ამ ორ შეხვედრაში.

როგორ მოატყუა 19 წლის ჩაკვეტაძემ სამი ყაზახი და... სუპერ-გოლი!!! [VIDEO]

- უფრო კონკრეტულად რომ ვთქვათ, რას გულისხმობთ?

- მინდა, ხაზი გავუსვა საქართველოს ნაკრების მთავარი მწვრთნელის, ვლადიმირ ვაისის სწორ და დამაჯერებელ ქმედებას. დავიწყოთ იქედან, რომ ბევრი მწვრთნელი ვერ გარისკავდა ახალგაზრდა ფეხბურთელის ამხელა ბრძოლაში გამოყენებას. ვაისმა კი გარისკა და ამით საქართველოს ნაკრებმა მოიგო. გარდა ამისა, საიდუმლო არ არის, რომ საქართველოს ნაკრების რამდენიმე ფეხბურთელს აკლია სათამაშო პრაქტიკა კლუბში.

ვაისმა საქმე ისე მოაწყო, რომ ეს მოთამაშეები ლიდერებადაც კი მოგვევლინნენ. ავიღოთ თუნდაც განაპირა მცველები. ორივე შეხვედრაში ნავალოვსკიმ და კაკაბაძემ ძალიან დიდი მოცულობის სამუშაო გასწიეს შეტევაში. თანაც, ეს არ იყო მხოლოდ მათი ინდივიდუალური ქმედება. ისინი კარგად არიან შეთამაშებულები ფლანგელ შემტევებთან და სინქრონულად ურთიერთქმედებენ მათთან. თუნდაც, ლატვიასთან შეხვედრა ავიღოთ, რომლის დროსაც საქართველოს ნაკრები ძალიან დიდი ძალებით უტევდა. ამ მატჩში მე ნათლად დავინახე ვლადიმირ ვაისის ტაქტიკური განსწავლულობა.

ორი ცენტრალური მცველი ძალიან ყურადღებით იყო ჩასაფრებული ლატვიელთა შესაძლო კონტრშეტევების გასანეიტრალებლად და მათთან ერთად მუდამ ყურადღებით იყო ერთი საყრდენი. აი, რატომ ვაქებ ვაისს!.. ლატვიასთან საქართველოს ნაკრებმა დამსახურებულად მოიგო. ახლა ბევრი მსჯელობს იმაზე, იყო თუ არა ასპროცენტიანი ის პენალტი. რომც არ ყოფილიყო, ჩემი აზრით, ჩვენ ისედაც შევძლებდით ამ შეხვედრის მოგებას, საქართველოს ნაკრები ისეთი მონდომებით უტევდა, აუცილებლად გაიტანდა გამარჯვების გოლს.

მე ვიტყოდი - ფეხბურთის აკადემიკოსები. ქინქლაძეს შეეძლო 6-7 კაცის მოტყუება. ჩაკვეტაძეს მინდვრის ყველა მონაკვეთზე ნახავთ. ცენტრშიც, ფლანგებზეც...ეს შედარება დაახლოებით იგივეა, მესი და რონალდო რომ შეადარო ერთმანეთს. ორივე დიდი ინდივიდუალისტია. უბრალოდ, ერთი მეტად გუნდურად თამაშობს, მეორის თამაშში კი ინდივიდუალური ელემენტები სჭარბობს. ქინქლაძისა და ჩაკვეტაძის შედარებაზე ვიტყვი კიდევ იმას, რომ ჩაკვეტაძეს აქვს და ქინქლაძეს ჰქონდა ღმერთისგან ბოძებული დიდი ნიჭი. 

 

- ვლადიმირ ვაისი ახალგაზრდების მიმართ ნდობის გამო შეაქეთ. ამ შემთხვევაში, უპირველეს ყოვლისა, გიორგი ჩაკვეტაძეს გულისხმობდით...

- რა თქმა უნდა?! როცა 19 წლის ფეხბურთელს პირველივე თამაშში გააქვს ულამაზესი გოლი, რომლითაც ხნის ანგარიშს, ხოლო მეორე თამაშში ეს ფეხბურთელი მოიპოვებს გამარჯვების მომტან 11-მეტრიანს, მის შესახებ კარგის მეტი რა უნდა თქვა? რა თქმა უნდა, ჩაკვეტაძემ ძალიან კარგად ითამაშა. ავიღოთ ლატვიასთან მატჩის დროს მომხდარი ეპიზოდი. მეტოქემ ოდნავ გამოსწია ფეხი და გიორგიმ ეგრევე, არც კი უფიქრია, ისე მოიპოვა თერთმეტმეტრიანი. მან ისე ითამაშა, როგორც გამოცდილ ფეხბურთელს შეჰფერის.

- სტადიონის ტრიბუნებზე მყოფმა გავიგონე, როგორ ადარებდნენ მას გიორგი ქინქლაძეს...

- ცხადია, ყველანაირ შედარებას აქვს არსებობის უფლება. მე მაინც მგონია, რომ სტილით ისინი სხვადასხვა ფეხბურთელები არიან. ქინქლაძე რომ გუნდში თამაშობდა, იქ იყვნენ შოთიკო, აჩიკო, ჯამარაული, ყაველაშვილი... მე ვიტყოდი - ფეხბურთის აკადემიკოსები. ქინქლაძეს შეეძლო 6-7 კაცის მოტყუება. ჩაკვეტაძეს მინდვრის ყველა მონაკვეთზე ნახავთ. ცენტრშიც, ფლანგებზეც...

ეს შედარება დაახლოებით იგივეა, მესი და რონალდო რომ შეადარო ერთმანეთს. ორივე დიდი ინდივიდუალისტია. უბრალოდ, ერთი მეტად გუნდურად თამაშობს, მეორის თამაშში კი ინდივიდუალური ელემენტები სჭარბობს. ქინქლაძისა და ჩაკვეტაძის შედარებაზე ვიტყვი კიდევ იმას, რომ ჩაკვეტაძეს აქვს და ქინქლაძეს ჰქონდა ღმერთისგან ბოძებული დიდი ნიჭი. ისეთი ბიჭი ჩანს ჩაკვეტაძე, კიდევ მოუმატებს - ამაში ბოლომდე დარწმუნებული ვარ! "დინამოში" რომ თამაშობდა, ძალიან კარგი იყო, მაგრამ ჩვენ ნათლად ვხედავთ, რომ ის ახლა კიდევ უფრო კარგია.

გიორგი ქინქლაძე: ტკივილამდე საწყენი იყო სიტიდან წასვლა... ცრემლები წამომცვივდა [VIDEO]

- როგორ ფიქრობთ, გავალთ ევროპის ჩემპიონატზე?

- საფეხბურთო დინამიკა სწორედ აქეთკენ მიდის. არ უნდა მოვდუნდეთ არანაირად! დღეს ჩვენი ფეხბურთელები ახალგაზრდულ ასაკში მიდიან საზღვარგარეთ. ეს სტრატეგია გამართლებული მგონია მანამ, სანამ ჩვენი საფეხბურთო ინფრასტრუქტურა მნიშვნელოვნად არ გაუმჯობესდება. იქ ისინი უფრო სწრაფად იზრდებიან. ეს ფაქტია!

ყოველდღიური სპორტული გაზეთი "ლელო"
4797
მკითხველის კომენტარები / 0 /
მსგავსი ამბები
რუბრიკის სხვა სიახლეები