რევოლუციური ცვლილებები! უეფამ ერთა ლიგა 19-წლამდელებშიც შექმნა. ალექსანდრე იაშვილი საქართველოსთვის პოზიტივს ხედავს...

ერთა ლიგისთამაშებამ უეფას თავკაცების იმედები გაამართლა და ორგანიზაციაში მსგავსი მოდელით 2020-22 წლებში 19-წლამდელთა ნაკრებების ახალი გათამაშების ჩატარება გადაწყვიტ.

უეფას წევრი 54 ქვეყ სამ ლიგაში აქაც რეიტინგებით გადანაწილდ, ოღონდ, 19-წლამდელთა ნაკრებებისმიერ 2015-2019 წლებში ნაჩვენები შედეგების გათვალისწინებით...

A ლიგა: 20 გუნდი, 5 ჯგუფი
B ლიგა: 16 გუნდი, 4 ჯგუფი
C ლიგა: 18 გუნდი, 5 ჯგუფი

საქართველოს 19-წლამდელთა ნაკრები (2003 წლის 1 იანვრის შემდეგ დაბადებულთა გუნდი) ნიონში გამართული წილისყრის შედეგად B ლიგის პირველ ჯგუფში მოხვდა, რადგან შედარებით უკეთესი შედეგები ასაკობრივ ნაკრებებში მაინც გვაქვს. ევროპის 2022 წლის ჩემპიონატზე გასასვლელად გუნდები ბრძოლას 2020 წლის 7-13 ოქტომბერს გამართავენ. საქართველოს ნაკრები ბულგარეთის, ბოსნიისა და უელსის ნაკრებებს დაუპირისპირდება. მატჩები ბულგარეთში შედგება.

B ლიგაში მონაწილე 16 ნაკრებიდან 5 საუკეთესო A ლიგაში აღზევდება, მათ ადგილს კი A ლიგის ბოლო ხუთი ნაკრები დაიკავებს. B ლიგის დაბალრეიტინგული 5 გუნდი C ლიგაში დაქვეითდება, მათ ადგილს კი ქვედა ლიგიდან აღზევებული 5 ნაკრები შეავსებს.

გათამაშების ახალი ფორმატი 2022 წლის ევროპის 19-წლამდელთა ჩემპიონატის საკვალიფიკაციო რაუნდს წარმოადგენს, რომელიც ოთხი ეტაპისგან შედგება.

A ლიგაში მყოფი ნაკრებები ოთხივე რაუნდში იასპარეზებენ. B ლიგის გუნდები სამ რაუნდში, C ლიგის ნაკრებები კი - ორში.

I რაუნდი: 2020 წელი, 2 სექტემბერი-17 ნოემბერი
II რაუნდი: 2021 წელი, ივნისი
III რაუნდი: 2021 წელი, 30 აგვისტო-16 ნოემბერი
IV რაუნდი: 2022 წელი, 21-29 მარტი

2022 წლის ივლისში, ევროპის 19-წლამდელთა ჩემპიონატს სლოვაკეთი უმასპინძლებს. ფინალურ ეტაპზე სულ 8 ნაკრები ითამაშებს.

ფეხბურთის ფედერაციის ვიცე-პრეზიდენტმა ალექსანდრე იაშვილმა, ვინც სანაკრებო საკითხებს კურირებს, 19-წლამდელთა ნაკრებებისთვის ერთა ლიგის ფორმატის შემოღებაზე კომენტარი გააკეთა. მისი თქმით, ეს გათამაშება ჩვენი ფეხბურთისთვის თავის გამოჩენის მშვენიერი შანსია.

"ძალიან საინტერესო სისტემაა. რეალურად ჩვენი მიზანი იყო, რომ ნაკრები ყველა ასაკში გვყოლოდა და ამ გუნდებს რაც შეიძლება მეტი ოფიციალური მატჩის ჩატარების შესაძლებლობა ჰქონოდათ. ჩემი აზრით, ამ იდეამ გაამართლა და ამის დასტურია, რომ 17 და 19-წლამდელები ელიტრაუნდში იასპარეზებენ. ვფიქრობ, განახლებული სისტემა ახალგაზრდა ფეხბურთლებისთვის უფრო საინტერესოა.

იმიტომ, რომ 17-წლამდელების ელიტრაუნდის დასრულების შემდეგ, მათ უკვე ეცოდინებათ, რომ იმავე წლის შემოდგომაზე 19-წლამდელთა მინიტურნირში ჩაერთვებიან და რეალურად ერთი წლით ადრე დაიწყებენ ბრძოლას ევროპის ჩემპიონატზე მოსახვედრად. ამ ფორმატით იზრდება ოფიციალური თამაშების რაოდენობა, რაც მისასალმებელია. წელიწადნახევრის განმავლობაში ჩვენს ასაკობრივ ნაკრებს ძალიან საინტერესო გზის გავლა მოუწევს და მიმაჩნია, რომ მოთამაშეები დიდ გამოცდილებას მიიღებენ".

 სფფ-ის ვიცე-პრეზიდენტის თქმით, საქართველოს 19-წლამდელთა ნაკრები A ლიგაში უნდა გადავიდეს: "ეს არის სწორედ ჩვენი მიზანი. ასე კიდევ უფრო ძლიერ ნაკრებებს დავუპირისპირდებით. 19-წლამდე ევროპის ჩემპიონატის განახლებული საკვალიფიკაციო სისტემა შეგვიძლია ერთა ლიგას შევადაროთ. აქ თითქმის იგივე სისტემაა, სამომავლოდ კი, მსგავსი სისტემის დანერგვა 17-წლამდელებშიცაა მოსალოდნელი.

ასე რომ, 2020 წელი ძალიან საინტერესო იქნება - ახალი გამოწვევებითა და ძალიან მნიშვნელოვანი თამაშებით დატვირთული. ეს ეხება როგორც ეროვნულ, ისე ასაკობრივ ნაკრებებს".

1334
მკითხველის კომენტარები / 0 /
მსგავსი ამბები
რუბრიკის სხვა სიახლეები
;