რეიტინგები: როჯერი რაფას მიუახლოვდა

ტრადიციულად, ორშაბათს, განახლებული საჩოგბურთო რეიტინგები გამოქვეყნდა. მამაკაცებისა და ქალების კლასიფიკაციის ტოპ-ათეულებში გარკვეული ცვლილებები მოხდა.

ვენაში გამართული ტურნირის მეოთხედფინალში გასვლით, ალექსანდრ ზვერევმა გაუსწრო მარინ ჩილიჩს და მეოთხე ადგილზე გადაინაცვლა.

გარდა ამისა, როჯერ ფედერერმა შეამცირა სხვაობა რეიტინგის ლიდერთან რაფაელ ნადალთან. შეგახსენებთ, რომ გასულ კვირას ფედერერმა ბაზელის ტურნირი მოიგო, რის შემდეგაც გამოაცხადა, რომ არ მიიღებს მონაწილეობას პარიზის "მასტერსში", რომელიც გუშინ დაიწყო.

ATP. TOP10
1(1). რაფაელ ნადალი (ესპ) - 10 465
2(2). როჯერ ფედერერი (შვეიც) - 9 005
3(3). ენდი მარეი (ბრიტ) - 4 790
4(5). ალესანდრ ზვერევი (გერ) - 4 400
5(4). მარინ ჩილიჩი (ხორ) - 4 185
6(6). დომინიკ ტიმი (ავსტრია) - 3 935
7(7). ნოვაკ ჯოკოვიჩი (სერ) - 3 765
8(8). გრიგორ დიმიტროვი (ბულ) - 3 650
9(9). სტენ ვავრინკა (შვეიც) - 3 360
10(10). დავიდ გოფენი (ბელ) - 2 975

ქალებმა პრაქტიკულად დაასრულეს სეზონი. მინიმუმ იანვრამდე პირველი ჩოგანი იქნება რუმინელი სიმონა ჰალეპი - მან შეინარჩუნა რეიტინგის უმაღლესი საფეხური იმის მიუხედავად, რომ წლის შემაჯამებელ ჩემპიონატში ჯგუფური ეტაპი ვერ დაძლია.

რაც შეეხება პირველ ათეულში ცვლილებებს, სინგაპურის ტრიუმფატორი კაროლინ ვოზნიაცკი მეექვსედან მესამე ადგილზე გადავიდა, კაროლინა პლიშკოვა მესამედან მეოთხე ადგილამდე დაქვეითდა, ელინა სვიტოლინა - მეოთხედან მეექვსემდე.

WTA. TOP10
1(1). სიმონა ჰალეპი (რუმ) - 6 175
2(2). გარბინ მუგურუსა (ესპ) - 6 135
3(6). კაროლინ ვოზნიაცკი (დან) - 6 015
4(3). კაროლინა პლიშკოვა (ჩეხ) - 5 730
5(5). ვინუს უილიამსი (აშშ) - 5 597
6(4). ელინა სვიტოლინა (უკრ) - 5 500
7(7). ელენა ოსტაპენკო (ლატ) - 5 010
8(8). კაროლინ გარსია (საფ) - 4 420
9(9). იოჰანა კონტა (ბრიტ) - 3 610
10(10). კრ. მლადენოვიჩი (საფ) - 2 885.

ყოველდღიური სპორტული გაზეთი "ლელო"
578
მკითხველის კომენტარები / 0 /
მსგავსი ამბები
რუბრიკის სხვა სიახლეები