რიო ფერდინანდმა ლიონელ მესი ცამდე აიყვანა: ის თითქოს დისტანციური პულტით მართავს თამაშს... [VIDEO]

ინგლისის ნაკრებისა და "მანჩესტერ იუნაიტედის" ყოფილმა მცველმა რიო ფერდინანდმა საფეხბურთო თოქ-შოუში აღფრთოვანება ვერ დამალა ლიონელ მესის თამაშით "ტოტენჰემთან" ჩემპიონთა ლიგის მატჩში.

როგორ გინდა საპირისპირო თქვა? არ შეიძლება, სხვა აზრი ჰქონდეს კაცს, რომელმაც გაქუცულ "უემბლიზე" ლეოს ნავარდს უცქირა, თუნდაც არ ყოფილიყო მისი ნიჭის თაყვანისმცემელი.

საინტერესოა, რამ გამოიწვია ასეთი აღფრთოვანება მაშინ, როცა ვინ მოთვლის, რამდენი დაუვიწყარი სპექტაკლი გვინახავს მესის შესრულებით?

ალბათ იმან, რომ ბოლო პერიოდში ის აღარ გვანებივრებდა ასეთი სპექტაკლებით და ისეთი შთაბეჭდილება დარჩა, თითქოს მესი თავიდან დაიბადა "უემბლიზე", პირველად გამოჩნდა საფეხბურთო სამყაროს წინაშე...

"ისეთი შთაბეჭდილება დამრჩა, თითქოს ის დისტანციური პულტით მართავდა თამაშს, თან გეუბნებოდა - "მითხარი, რომელ წერტილშიც გინდა და იქ მოვათავსებ ბურთს".

შეიძლებოდა, გველაპარაკა "ტოტენჰემზეც", მის ძალისხმევაზეც, მაგრამ მესიმ ყველა და ყველაფერი დაჩრდილა. ბედნიერი ვარ, რომ ის ცოცხლად ვნახე სტადიონზე და ახლა შვილებს მოვუყვები ამ შთაბეჭდილებებზე...

რასაც მესი მოედანზე აკეთებს, რაღაცნაირად სასაცილოც არის. მისი დრიბლინგები, მოედნის ხედვა, აზროვნების სისხარტე გადაწყვეტილების მიღებისას... ეს ყველაფერი საოცრებაა", - თქვა ფერდინანდმა თამაშის შეფასებისას.

854
მკითხველის კომენტარები / 0 /
მსგავსი ამბები
რუბრიკის სხვა სიახლეები
;