რიჩარდ გაძე განიდან - 'ტორპედო' სავიზო პრობლემის მოგვარებას ელის

ცნობილი გახდა იმ ფეხბურთელის ვინაობა, რომლის ჩამოყვანაც კახა ჩხეტიანმა დააანონსა.

საქართველოს ჩემპიონს 23 წლის ცენტრფორვადი რიჩარდ გაძე გააძლიერებს. მისი უკანასკნელი კლუბი აზერბაიჯანული "ზირა" იყო, სადაც 23 მატჩი ჩაატარა და 7 გოლი გაიტანა.

ცნობილი კლუბებიდან უთამაშია ფინურ გრანდ ჰიკ-ში. 23 წლის თავდამსხმელი (სიმაღლე 176 სმ) განის ორი ასაკობრივი ნაკრების, 20 და 23-წლამდელების წევრი იყო.

"რიჩარდ გაძესთან კონტრაქტი გაფორმებულია. ახლა მის ჩამოსვლას ველოდებით", - გვითხრა ჩხეტიანმა.

განელი მოთამაშის ჩამოყვანას სავიზო პრობლემა აბრკოლებს. ზოგადად, საქართველოში აფრიკის ზოგიერთი ქვეყნის მოქალაქეებზე ვიზების გაცემა გართულებულია. ასე იყო შარშან "კოლხეთში" მისული არფანგ დაფესა და კენიელი ოტიენო ოუმას შემთხვევაშიც. ისინი საქართველოს ვიზას ორი თვე ელოდნენ.

"ტორპედოს" ხელმძღვანელთა დიდი სურვილის მიუხედავად, გაძეს ჯერ მოცდა მოუწევს. ალბათ, ღირს ასეთ შემთხვევაში გამონაკლისის დაშვება, როცა საქმე სპორტს და ფეხბურთელს ეხება. იმედია, საპასუხო მატჩისთვის (რომელიც 19 ივლისს გაიმართება) "ტორპედო" განელის დამატებას მოახერხებს.

ცნობისთვის, ინტერნეტსააგენტო "ტრანსფერმარკტი" რიჩარდ გაძეს სატრანსფერო თანხად 150 ათას ევროს ასახელებს.

ყოველდღიური სპორტული გაზეთი "ლელო"
1219
მკითხველის კომენტარები / 1 /
Harumafuji
0
სად გაიზარდა ეგა განის ერთ-ერთ მოფარიკავეთა კლუბში?
მსგავსი ამბები
რუბრიკის სხვა სიახლეები
;