რობერტო ლანდი 'სიონზე'

17 აგვისტოს "მიხეილ მესხზე" ფოთის "კოლხეთი" ბოლნისის "სიონს" ესტუმრება. ეროვნული ლიგის აუტსაიდერმა წლეულს "სიონთან" ჩატარებული ორი მატჩიდან ერთი მოიგეს (2:0 გიორგი კახელიშვილისა და ლუკა იმნაძის გოლებით) და ერთიც ფრედ დაასრულეს - 0:0.

"სიონთან" მატჩამდე "კოლხეთის" მთავარმა მწვრთნელმა რობერტო ლანდიმ მომავალ დაპირისპირებაზე ილაპარაკა.

"ჩვენთვის ეს მნიშვნელოვანი თამაშია. გუნდში არის ცვლილებები. ვენდობით ყველა მოთამაშეს, ვინც დღეს "კოლხეთშია" და ჩვენი მიზანია, ახლო მომავალში არჩევანი საუკეთესოებზე გავაკეთოთ. ბოლო ორ შეხვედრაში გვყავდა ძლიერი, ჩვენზე გამოცდილი, ფიზიკურად უკეთ მომზადებული მოწინააღმდეგე და შედეგიც ლოგიკური იყო. არ უნდა დავკარგოთ ქულები იქ, სადაც ეს დაუშვებელია. პატივს ვცემ "სიონს" და ვეცდებით, დადებითი შედეგით დავასრულოთ თამაში. დიდი მადლობა მინდა გადავუხადო ჩვენი გუნდის ფანებს. თქვენი გვერდში ყოფნა მნიშვნელოვანია. "კოლხეთი" მზად არის გამოწვევისთვის", - ამბობს ლანდი.

1245
მკითხველის კომენტარები / 0 /
მსგავსი ამბები
რუბრიკის სხვა სიახლეები
;