რობერტო მანჩინიმ იტალიის ნაკრების მთავარ პრობლემაზე ილაპარაკა

პორტუგალიასთან წაგების შემდეგ იტალიურმა მედიამ "სკუადრა აძურას" კრიტიკა არ დააკლო. იტალიის ნაკრებმა ერთა ლიგაში 2 მატჩი ჩაატარა და მხოლოდ ქულა მოიპოვა. შეგახსენებთ, რომ პორტუგალიამდე რამდენიმე დღით ადრე იყო საშინაო ფრე (1:1) პოლონეთთან.

"სკუადრა აძურას" მწვრთნელმა რობერტო მანჩინიმ პორტუგალიასთან მატჩის შემდეგ კომენტარი გააკეთა:

"ჩვენ ბევრი შეცდომა დავუშვით. მომავალში მათი რაოდენობა მაქსიმალურად უნდა შევზღუდოთ. დადებითი იყო ის, რომ ბიჭებმა თავი არ დაზოგეს და 100 პროცენტით დაიხარჯნენ.

ჩვენ უნდა მოვძებნოთ კარისკენ მისასვლელი მარტივი გზები, უნდა შევქმნათ მომენტები, რათა გოლები გავიტანოთ...

პირველ ტაიმში მეტწილად ჩვენ ვფლობდით ბურთს. იტალიის დღევანდელი ნაკრები ახალგაზრდულია და ასეთ დროს ფეხბურთელები საერთაშორისო დონეზე პრობლემებს აწყდებიან. თუმცა ეს ნორმალურია.

როცა ფიზიკური მომზადების მხრივ წინ წავალთ, ამ პრობლემებსაც ეშველება. მთავარი პრობლება კი ახლა ის არის, რომ გოლები ვერ გაგვაქვს", - თქვა მანჩინიმ "რაი სპორტის" ეთერში.

1023
მკითხველის კომენტარები / 0 /
მსგავსი ამბები
რუბრიკის სხვა სიახლეები
;