კორონავირუსისგან გამოჯანმრთელებული "არსენალის" მწვრთნელი გვირჩევს...

 „არსენალის“ მთავარი მწვრთნელი მიკელ არტეტა ერთ-ერთი იმათგანია, ვისაც ცოტა ხნის წინ კორონავირუსი დაუდასტურდა, ამჟამად კი იგი ამ ავადმყოფობისგან სრულად განიკურნა.

„მეთოფეთა“ მთავრი მწვრთნელი COVID 19-ის ინფექციაზე საუბრობს.

როგორ გაიგო, რომ კორონავირუსი ჰქონდა

ევროპალიგის 1/16 ფინალში, „ოლიმპიაკოსთან“ მატჩის შემდეგ, კლუბის ოფისიდან დამირეკეს და მაცნობეს, რომ შესაძლო იყო, კორონავირუსით დაავადებული ვყოფილიყავი. მაშინ დაავადების სიმპტომებს უკვე ვამჩნევდი. „მანჩისტერ სიტისთან“ შეხვედრისთვის ვემზადებოდით და ვგრძნობდი, რომ სიმპტომები უფრო მძაფრი ხდებოდა. პირადად არავისთან ვკონტაქტობდი, მაგრამ ყველასთან მქონდა სატელოფონო საუბარი და ვუხსნიდი, რომ ასეთ სიტუაციაში თამაშის გამართვა სრული სიგიჟე იყო. პრემიერლიგისა და „მანჩესტერ სიტის“ ხელმძღვანელებთან შეთანხმებით, მალევე გადაწყდა თამაშის გადადება.

ცოტა ხანში დადასტურდა, რომ კორონავირუსი მქონდა.

თვითიზოლაციის რეჟიმი და მიღებული  ზომები

ყველაფერი გავაკეთე, რაც ასეთ დროს საჭიროა. თვითიზოლაციისთვის მოვიწყვე ერთი ოთახი. ორი დღის შემდეგ, სიმპტომები ჩემს მეუღლესაც აღმოაჩნდა. როგორც გაირკვა, ვირუსი მეორე ადამიანს, სიმპტომების გამოვლენამდეც გადაეცემა. ამგვარად ვერ შევძელით ავადმყოფობა ოჯახის წევრებისთვის თავიდან აგვერიდებინა, უკვე დაგვიანებული იყო.

ასეთ დროს სახლში დარჩენით ბევრ უსიამოვნებებს აიცილბთ თავიდან თქვენც და ააცილებთ გარშემომყოფებსაც.

ყველაზე მეტადა ჩემი შვილების გამო ვნერვიულობდი. რა თქმა უნდა, სიმპტომების აღმოჩენისთანავე თვითიზოლაციაში გადავედი, მაგრამ ჩემი მეუღლე და ბავშვების ძიძა მაინც დაინფიცირდნენ. საბედნიეროდ, ყველაფერი კარგად დასრულდა და ახლა ბავშვები ჯანმრთელად არიან.

როგორ მიმდინარეობდა ავადმყოფობა

სიმპტომების მიხედვით ვერ ვიტყვი, რომ ჩეულებრივი გრიპის ვირუსისგან რამე განსვავებულს ვგრძნობდი. სამი-ოთხი დღე შედარებით სუსტად ვიყავი, მშრალი ხველა, დაბალი სიცხე და გულ-მკერდის არეში უსიმოვნო შეგრძნება მქონდა. სულ ეს იყო, შემდეგ ყველაფერმა გაიარა.

შიშის გრძნობა

სიმართლე გითხრათ, ავადმყოფობის დიდად არ შემშინებია. უფრო მეტად იმ ადამიანებზე ვფიქრობდი და ვცდილობდი მათ გახსენებას, ვისთანაც სიმპტომების გამოვლენამდე კონტაქტი მქონდა და შესაძლებლობა იყო მათაც პრობლემა შექმნოდათ. მათთან ერთად ვფიქრობდი მათზეც, ვისთანაც შესაძლებელი იყო იმ ადამიანებს ეკონტაქტათ და ასე შემდეგ. ეს საკითხი საკმაოდ მანერვიულებდა, მით უმეტეს იმის ფონზე რაც ჩინეთში, იტალიაში, ესპანეთსა და მსოფლიოს თითქმის ყველა ქვეყანაში ხდებოდა.

როგორ გრძნობს თავს ახლა

ბოლომდე გამოჯანმრთელებული ვარ, დაავადების აღარანაირი ნიშნები არ მაქვს.

რა მდგომარეობაა არსენალში

თვითიზოლაციის რეჟიმს ზედმიწევნით ვიცავთ, თუმცა ეს არ ნიშნავს, რომ არ გვაქვს კომუნიკაცია ფეხბურთელებთან და სამწვრთნელო შტაბთან. მუდმივად კავშირზე ვარ ჩემს ასისტენტებთან და ფეხბურთელებთან. მათ აქვთ ინდივიდუალური პროგრამა, ამ სახლის პირობებში, შეძლებისდაგვარად, როგორ შეინარჩუნონ სპორტული ფორმა.

პირდაპირი ჩართვების რეჟიმში ტაქტიკურ მეცადინეობებსაც ვატარებთ, ეს იმიტომაა საჭირო, რომ  მოთამაშეებმა ფეხბურთზე ფიქრი არ შეწყვიტონ.


ჩაერთეთ და გაერთეთ - LELO WORLD CUP


იზოლაციის დადებითი მხარეები

შექმნილი სიტუაცია საშუალებას მაძლევს ის ადამიანები, ვისთან ერთადაც ვმუშაობ, კიდევ უფრო ახლოს გავიცნო. პარადოქსია, მაგრამ ასეთი დაშორება კიდევ უფრო გვაახლოვებს ერთმანეთთან. ხშირად ვსაუბრობთ და ერთმანეთს აზრებს ვუზიარებთ, რისი საშუალებაც აქამდე ნაკლებად გვქონდა.

სიმართლე გითხრათ, ახლა ცხოვრებაში ბევრ რამეს სხვა თვალით ვუყურებთ და ბევრი რამის გადაფასება მოხდა.

როგორ ატარებდა დროს კარანტინში

სამი შვილი მყავს, 10, 7 და 4 წლის. უკანასკნელი 17 წლის განმავლობაში, არ მქონდა საშუალება, დიდი დრო გამეტარებინა მათთან, მომეყოლა მათთვის საინტერესო ამბები და მომესმინა მათი აზრები. ახლა კი ამის შესაძლებლობა მომეცა და ამით ყველა ძალიან კმაყოფილნი ვართ.

მიკელ არტეტას მიმართვა ადამიანებისადმი

უნიკალურ მდგომარეობაში აღმოვჩნდით. ძალიან საინტერესო ეპოქაში ვცხოვრობთ. პირველ რიგში, მინდა გამძლეობა ვუსურვო იმ ადამიანებს, ვინც ამ ვირუსის გამო ახლობლები დაკარგეს, ვინც ახლაც კლინიკებში ებრძვიან დაავადებას. უდიდესი მადლიერებით მინდა მოვიხსენიო სამედიცინო პერსონალი, რომლებიც საკუთარი სიცოცხლისა და ჯანმრთელობის ფასად, ყველაფერს აკეთებენ ადამიანების გამოსაჯანმრთელებლად. მადლობა ყველას, ვინც ამ რთულ დროს ზრუნავს ადამიანების საკვებითა და სხვა აუცილებელი ნივთებით მომარაგებაზე.  

ჩემი თხოვნაა, ნებისმიერი ქვეყნის მცხოვრებისადმი, მიუხედავად იმისა, როგორი მდგომარეობაა თქვენს ქვეყანაში, გაითვალისწინეთ და მიყევით ჯანდაცვის ორგანიზაციების რეკომანდაციებს. დაუჯერეთ მედიკოსებს, რათა მინიმუმამდე იქნას დაყვანილი ვირუსის გავრცელების რისკი. ჩვენ ერთობლივი ძალისხმევით უნდა შევაჩეროთ ეს ავადმყოფობა და  შევამციროთ დაავადებულთა რაოდენობა.

კიდევ ერთელ გთხოვთ, დარჩთ სახლში! ეს არც ისე რთულია, ამით ჩვენს ირგვლივ მყოფთ ავარიდებთ ბევრ საშიშროებას.

გავუფრთხილდეთ ერთმანეთს, ყევლაფერი კარგად იქნება.

3948
მკითხველის კომენტარები / 0 /
მსგავსი ამბები
რუბრიკის სხვა სიახლეები
;