როგორ დაამარცხეს სერბები ალბანელებმა

სერბეთი - შვეიცარია 1:2
22.06. კალინინგრად სტადიუმი. კალინინგრადი.
გოლები:0:1 მიტროვიჩი (5), 1:1 ჯაკა (52), 1:2 შაქირი (90)
სერბეთი: სტოიკოვიჩი - იოვანოვიჩი, მილენკოვიჩი, ტოშიჩი, კოლაროვი - მილოიევიჩი (76. რადონიჩი), მატიჩი - ტადიჩი, მილინკოვიჩ-სავიჩი, კოსტიჩი (56. ლიაიჩი) - მიტროვიჩი
მთავარი მწვრთნელი: მლადენ კრსტაიჩი
შვეიცარია: სომერი - ლიხტშტაინერი, შარი, აკანჯი, როდრიგესი - ბეჰრამი, ჯაკა -შაქირი, ჯემაილი (73. ემბოლო), ზუბერი (90.დრმიჩი) - სეფეროვიჩი (46. გავრანოვიჩი)
მთავარი მწვრთნელი: ვლადიმირ პეტკოვიჩი
გაფრთხილება: მილინკოვიჩ-სავიჩი (33), მილოიევიჩი (39), მატიჩი (45), მიტროვიჩი (87), შაქირი (90)
არბიტრი: ფელიქს ბრიხი (გერმანია)

შვეიცარიის ნაკრებმა უმნიშვნელოვანესი მატჩი მოუგო სერბეთს და დიდი ნაბიჯი გადადგა პლეი - ოფისაკენ. ბოლო ტურში მათ უმოტივაციო კოსტა რიკა ელოდებათ. ყველაზე მტკივნეული სერბებისათვის ალბათ ის იყო, რომ მათ კარში გრანიტ ჯაკამ და შარდან შაქირიმ გაიტანეს. კოსოვოელმა ალბანელებმა, რომლებმაც შვეიცარიის დროშის ქვეშ ირჩიეს თამაში.

კარგად მოგეხსენებათ, კოსოვოს პრობლემის გამო რა დამოკიდებულებაა სერბებსა და ალბანელებს შორის. შვეიცარიამ დამსახურებულად მოიგო, რაკი მეტოქეზე კარგად აკონტროლა ბურთი და საჭირო დროს შეაგდო გამარჯვების გოლი.

არადა, შეხვედრა სერბების უპირატესობით დაიწყო. ალეკსანდრ მიტროვიჩმა უმძლავრესი თავურით შეაგდო. შვეიცარიამ პირველ ტაიმში რამდენიმე საგოლე შანსი შექმნა. მომენტები ჰქონდათ სერბებსაც, მაგრამ გოლი აღარ გასულა.

მეორე ტაიმი ახალდაწყებული იყო, როცა გრანიტ ჯაკამ ულამაზესი დარტყმით გაათანაბრა ანგარიში. მომენტები ქაეთაც იყო და იქეთაც. გამარჯვების გოლი კი შაქირიმ მაშინ შეაგდო, როცა თამაშის დასრულებამდე აღარაფერი რჩებოდა.

მარიო გავრანოვიჩმა ერთი პასით სერბთა მთელი დაცვა მოჭრა და შაქირი მეკარე სტოიკოვიჩს პირისპირ შეატოვა. შარდანს, ვინც იცის გადამწყვეტი გოლების გატანა, ფეხი არ აუკანკალდა.

გმირი
ძალიან დიდი უსამართლობაა, შარდან შაქირი ისეთ გუნდში რომ თამაშობს, როგორიც "სტოკია". დარწმუნებული ვართ, მომავალ სეზონში ის გაცილებით უკეთეს კლუბში ითამაშებს. ექსბაიერნელს ამის პოტენციალი ნამდვილად აქვს. აქვე არ უნდა დავუკარგოთ დამსახურება შვეიცარიელთა მთავარ მწვრთნელს, ვლადიმირ პეტკოვიჩს. ამ შეხვედრაში აღმოჩნდა მინდორზე ემბოლოსა და გავრანოვიჩის მინდორზე შესვლა. მათ თამაში აშკარად გაამწვავეს. სერბთა დამრიგებლის, ვლადიმირ პეტკოვიჩის გაკეთებულმა შეცვლებმა კი უკუეფექტი გამოიღო.

ანტიგმირი
მლადენ კრსტაიჩმა სერბეთის ნაკრები მუნდიალის დაწყების წინ ჩაიბარა. სლავოლიუბ მუსლინს ფეხბურთის ფედერაციის შეფებთან უთანხმოება მოუვიდა და პოსტი დატოვა, თუ დაატოვებინეს. კრსტაიჩს ამ გადამწყვეტ შეხვედრაში გამოცდილება დააკლდა. მისმა ცვლილებებმა სერბთა თამაში კი არ გააძლიერა, დაასუსტა. ერთმა მწვრთნელმა ამ შეხვედრაში აშკარად დაჯაბმა მეორე.

გადამწყვეტი
სერბეთის ნაკრებმა თამაშის მიწურულს წამით დაკარგა კონცენტრაცია. ეს ასე რომ მომხდარიყო, გავრანოვიჩის პასი ნამდვილად არ გაძვრებოდა და შაქირი მეკარე სტოიკოვიჩთან პირისპირ არ დარჩებოდა.დღევანდელ ფეხბურთში კონცენტრაციის ბოლომდე შენარჩუნებას უდიდესი მნიშვნელობა აქვს, ძალიან ხშირად თამაშის ბედს ერთი კონკრეტული შეცდომა წყვეტს. სწორედ ამ ერთი შეცდომის გამო დაფიქსირდა საბოლოო შედეგი. შვეიცარიელები ჩასაფრებულები იყვნენ და საბოლოოდ მოწინააღმდეგე შეცდომაზე გამოიჭირეს. რაც შეეხება ბალკანელებს, ისინი ყველაფერს მხოლოდ საკუთარ თავს თუ დააბრალებენ. ეგაა, მათთვის მუნდიალი ჯერ არ დასრულებულა, თუმცა ბრაზილიის დამარცხება ურთულესი საქმე იქნება.

1294
მკითხველის კომენტარები / 0 /
;