როდის დაბრუნდება თორნიკე ოქრიაშვილი

ყველამ კარგად ვიცით, რამხელა ძალას წარმოადგენს საქართველოს ეროვნული ნაკრებისათვის თორნიკე ოქრიაშვილი. ისიც ვიცით, რომ ტრავმამ ის კარგა ხნით ჩამოაშორა ფეხბურთს.

თქმა რად უნდა, ერთა ლიგის შეხვედრებში საქართველოს ეროვნულ ნაკრებს ძალიან დასჭირდება მისი ერთ-ერთი ლიდერი. როგორია ამჟამად თორნიკეს ჯანმრთელობის მდგომარეობა? ამ კითხვით ფეხბურთელის მამას, გოჩა ოქრიაშვილს მივმართეთ.

"თორნიკეს დაახლოებით ორი კვირის წინ მეორედ დასჭირდა ქირურგიული ჩარევა. საქმე ისაა, რომ ნაოპერაციებ ადგილზე კისტა განვითარდა. ახლა ყველაფერი კარგადაა. საოპერაციები ადგილი ბოლომდე შეხორცდა. თორნიკე ახლა კრასნოდარშია და იქ გადის სარეაბილიტაციო კურსს.

თორნიკეს დიდი იმედი აქვს და ექიმების პროგნოზიც ასეთია, რომ ოქრიაშვილი სექტემბრისათვის უკვე სრულ მზადყოფნაში უნდა იყოს." - გვითხრა ბატონმა გოჩამ.
ეს უკვე კარგია - თუ ასე მოხდა, ის საქართველოს ნაკრებს უსათუოდ შეეშველება ერთა ლიგის მატჩებში.

1736
მკითხველის კომენტარები / 0 /
მსგავსი ამბები
რუბრიკის სხვა სიახლეები
;