რომან ჭანტურია თბილისის "ლოკომოტივში" ითამაშებს

რომან ჭანტურია თბილისის "ლოკომოტივში" ითამაშებს. ეს ამბავი მან "ლელოს" თავად დაუდასტურა:

"დიახ, წამოვედი "ემპოლიდან" და "ლოკომოტივში" ვითამაშებ. ეს ტრანსფერი შეთანხმებულია - თბილისურ კლუბში იჯარით ვითამაშებ. ლაპარაკია ნახევარწლიან იჯარაზე", - ამბობს 21 წლის თავდამსხმელი და იქვე დასძენს, რომ ეს დროებითი ნაბიჯია და საქართველოში მცირე ხნით ითამაშებს:

"დღეს ყველა საბუთი მოვაწესრიგე და ორიოდე დღეში თბილისში ვიქნები. მაგრამ საქართველოს ჩემპიონატში დროებით ვითამაშებ. კონტრაქტი, ალბათ, ივნისამდე გაფორმდება.

მადლობელი ვარ "ლოკომოტივის", რომელიც, ჩემი მდგომარეობის გათვალისწინებით, კონტრაქტის ივნისამდე გაფორმებაზე დათანხმდა. ივნისში კი რუსეთში წავალ და ყაზანის "რუბინში" ვითამაშებ".

საქართველოს ახალგაზრდული ნაკრების ფეხბურთელი სერია B-ს "ემპოლიში" 15 წლისა მივიდა და მისი ტრანსფერი დღემდე ტოსკანურ კლუბს ეკუთვნის.

მაგრამ აგვისტოში ტრანსფერის 50 პროცენტი იტალიელებისგან სწორედ "რუბინმა" გამოისყიდა, ხოლო ჭანტურია, იმავე პერიოდში, იჯარით იტალიის სერია ჩ-ს ბინადარ "პრატოში" გადავიდა.

ყოველდღიური სპორტული გაზეთი "ლელო"
1294
მკითხველის კომენტარები / 0 /
მსგავსი ამბები
რუბრიკის სხვა სიახლეები
;