რომელი მხატვრების რეპროდუქციები ამშვენებს ვიქტორია და დევიდ ბექჰემების კოლექციას? [PHOTO]

რონალდოს ერთ-ერთმა თანაგუნდელმა გაიხსენა - კრიშტიანომ შინ მიმიპატიჟა, თავად კი გავიდა და ვარჯიშს შეუდგაო... 

ყველა სპორტსმენი თავისებურია, ზოგი მეგობრებთან გართობას ანიჭებს უპირატესობას; ზოგი სტუმრებს სუფრასთან მიიწვევს, თავად სავარჯიშოდ გარბის; ზოგი მეგობარს ოთახიდან ოთახში ატარებს და ცნობილი მხატვრების რეპროდუქციებს ათვალიერებინებს. თან უხსნის, რომელი ვის ეკუთვნის, როდის შეიძინა და რა ისტორია აქვს.

ამ უკანასკნელთა კატეგორიას ინგლისელი დევიდ ბექჰემი მიეკუთვნება, რომელსაც საკუთარ ცოლთან, ვიქტორია ბექჰემთან საერთო ინტერესის სფერო აღმოაჩნდა - დადიან გალერეებში, გამოფენებზე და რომელი ნახატიც თვალში მოუვათ, მის რეპროდუქციას უკვეთავენ.

ცხადია, ბექჰემებს საკმარისი ფული აქვთ, ორიგინალების შეძენაზეც იფიქრონ, მაგრამ, მაგალითად, დავინჩის ნახატს მუზეუმიდან არავინ გამოატანს.

სხვათა შორის, ვიქტორია ადამსი ამასწინათ ლონდონში დაესწრო "ძველი ოსტატების ნახატების" გამოფენას, რომლის დროსაც სიამოვნებით პოზირებდა ლეონარდო და ვინჩის ნამუშევრის "ქალი პროფილში" გვერდით.

- სამოდელო ბიზნესის წარმომადგენელი გახლავართ და ჩემთვის ფასეულია ძველი მხატვრების ნამუშევრები. ხელოვნების ოსტატები ხომ თუნდაც უბრალო პორტრეტის ხატვისას უამრავ წვრილმან დეტალზე ამახვილებდნენ ყურადღებას, რაც დღესაც საინტერესოა და მათი გამოყენება თანამედროვეობაშიც შესაძლებელია, - უთხრა ვიქტორიამ sothebys.com-ს.

მისი და დევიდ ბექჰემის მდიდარ კოლექციაში ინგლისური სკოლის მხატვრების ნამუშევრები ჭარბობს, გეინსბოროდან დაწყებული, რეინოლდსით დამთავრებული. გგონიათ, თითო კედელზე-ათ-ათი სურათია? - დევიდს მშვენიერი სასახლე აქვს დასავლეთ ლონდონში, ჰოლანდ პარკთან, ფართობი იმდენად დიდია, ზოგიერთ გალერეას შეშურდება.

ოთახს, სადაც ბექჰემები ნაძვისხეს დგამენ, ფედე გალისიას ნატურმორტი ამშვენებს, რომლის ორიგინალიც 1607 წელსაა შესრულებული. მისაღებ ოთახში ვისენტ ვან გოგის "მზესუმზირებია" გამოფენილი...

ვიქტორიას და დევიდს გემოვნებას ნამდვილად ვერ დაუწუნებ, თუმცა სულ მალე ჩვენც მოგვეცემა შანსი ჩვენი ფავორიტი მხატვრების ტილოზე შესრულებული რეპროდუქციები საკუთარ მისაღებში ჩამოვკიდოთ. მისაღებში არ მოუხდება? - საძინებელში ვცადოთ... 

palitral.ge საინტერესო პროექტს იწყებს, რომლის შესახებ ვრცლად ამ ლინკზე წაიკითხავთ: https://www.palitral.ge/mkhatvrebi.html

თუკი ვიქტორია ბექჰემს არავინ გამოატანს მუზეუმიდან და ვინჩის ნახატს, არც ჩვენ ჩამოგვიხსნიან "ლუვრიდან" ჯოკონდას, თუმცა "პლიტრა L" იმდენად ხარისხიან რეპროდუქციას შემოგთავაზებთ, ორიგინალისგან ვერ გაარჩევთ...

მანამდე ერთი მარტივი პროცედურაა - ხმა უნდა მისცეთ ცნობილი მხატვრების თქვენს ფავორიტ ნამუშევრებს.

 ავტორის კარიკატურა

1971
მკითხველის კომენტარები / 0 /
მსგავსი ამბები
რუბრიკის სხვა სიახლეები