რომელ ქვეყანაში როდის განახლდება ჩემპიონატი... საქართველოში?

სპორტისა და კულტურის საერთაშორისო ასოციაციის მიერ მომზადებული დოკუმენტებზე დაყრდნობით, ორგანიზაციამ „სპორტი განვითარებისთვის - საქართველო“ გამოქვეყნა მონაცემები, მსოფლიოში სპორტთან დაკავშირებული შეზღუდვები სად და როგორ შეამსუბუქეს და ამის საფუძველზე საქართველოს მთავრობას შესაბამისი გეგმის წარმოდგენა სთხოვა.

„ძალიან მნიშვნელოვანია საქართველოს მთავრობა წარმოადგინოს შესაბამისი გეგმა/სქემა, რომელშიც განსაზღვრული იქნება მასობრივ და პროფესიულ სპორტში სრულფასოვანი ვარჯიშებისა და ჩემპიონატების აღდგენის ეტაპები“ - ვკითხლობთ წერილში.

ალბანეთი
შეზღუდვების შემსუბუქება 27 აპრილიდან დაიწყო, რაც სპეციალურად განკუთვნილ ზონებში (შეზღუდული დროით, მაქსიმუმ 2 ადამიანი) სეირნობის დაშვებას ითვალისწინებდა.

ავსტრია
ღია ცისქვეშ ვარჯიშები და არაკონტაქტური სპორტული (მაგალითად, გოლფი, ჩოგბურთი) აქტივობები ნებადართულია 1 მაისიდან.

ბულგარეთი
სარეკრეაციო ზონებში (პარკი, სკევერები) გადაადგილება ნებადართულია მხოლოდ დროის კონკრეტულ მონაკვეთში ძაღლების მეპატრონეებისთვის და 12 წლამდე ბავშვებისთვის (თანმხლებ 2 პირთან). კვლავ აკრძალულია/დაკეტილია ღია და დახურული სპორტული ობიექტები.

ჩეხეთი
7 აპრილიდან ნებადართულია ინდივიდუალური ვარჯიში და სპორტული აქტივობა. 23 აპრილიდან დაშვებულია ჯგუფური ვარჯიშები (მაქსიმუმ 10 პირის მონაწილეობით).

ესტონეთი
კარანტინის განმავლობაში ნებადართული იყო ინდივიდუალური ვარჯიშები ღია ცისქვეშ (მაქსიმუმ 2 ადამიანისთვის).

დანია
ინდივიდებისთვის, 10-კაციანი ჯგუფებისთვის და წყვილებისთვის ნებადართულია ვარჯიში ღია მოედნებზე.

ფინეთი
4 მაისს ფინეთის მთავრობამ „ჰიბრიდული“ შემსუბუქების სტრატეგია დაიწყო. 14 მაისიდან ქვეყანაში გაიხსნება ღია ტიპის სპორტული ობიექტები, ხოლო პროფესიული სპორტული შეჯიბრებები 1 ივნისიდან დაიწყება. ასევე, 1 ივნისიდან ეტაპობრივად მოიხსნება აკრძალვები დახურული ტიპის ობიექტებისთვის. კვლავ იმოქმედებს აკრძალვა მასობრივ თავშეყრასთან დაკავშირებით, ნებადართული იქნება მაქსიმუმ 50 ინდივიდის შეკრება.

უნგრეთი
შეზღუდვების შემსუბუქება დაიწყო 4 მაისიდან. მოყვარულ და პროფესიონალ სპორტსმენთათვის ვარჯიშის ნებადართულია „დახურული კარების“ მიღმა. მომდევნო ეტაპზე დაგეგმილია შეჯიბრებების აღდგენა, რომლებიც მაყურებლის გარეშე გაიმართება.

იტალია
ერთ-ერთი ყველა მკაცრი საკარანტინო ზომების შემსუბუქება 4 მაისიდან დაიყო. მოქალაეებს მიეცათ სეირნობის და ვარჯიშის უფლება (ღია ცისქვეშ). სატრენაჟორო დარბაზების გახსნა დაგეგმილია 1 ივნისიდან.

ნორვეგია
7 მაისიდან ნებადართულია შეკრებები და სპორტული აქტივობა საჯარო სივრცეებში (მაქსიმუმ 50 ადამიანის მონაწილეობით, 1-მეტრიანი დისტანციის დაცვით)

შვედეთი
ღია ცისქვეშ ვარჯიში ნებადართულია ყველასთვის. ნებადართულია ღია და დახურული სპორტულ ობიექტებზე ვარჯიში (მაქსიმუმ 50 ადამიანის მონაწილეობით). 70-წელს გადაცილებული ადამიანებისთვის რეკომენდირებულია არ მიიღონ მონაწილეობა აქტივობებში, რომელიც დახურულ სპორტულ ობიექტებზე იმართება.

უკრაინა
კარანტინი ძალაშია 22 მაისამდე. 11 მაისიდან დაგეგმილია შეზღუდვების შემსუბუქება, კერძოდ გაიხსნება პარკები, სკვერები და სარეკრეაციო ზონები. ეროვნული ნაკრები გუნდებისთვის (ინდივიდუალური და გუნდური) დაშვებული იქნება ვარჯიში. ამჟამად ღია ცისქვეშ ვარჯიში აკრძალულია.

ავსტრალია
ღია ცისქვეშ ვარჯიში არ იყო აკრძალული.

აშშ
ქვეყნის მასშტაბით აკრძალვების შემსუბუქება არაერთგვაროვანია და დამოკიდებულია შტატების მთავრობის გადაწყვეტილებებზე, მაგალითად: ტენესის შტატში სატრენაჟორო დარბაზები 1 მაისიდან გაიხსნა, ილინოისის შტატში კი სატრენაჟორო დარბაზები - 24 აპრილიდან.

ჯერ უცნობია, საქართველოში სპორტსმენებს როდის მიეცემათ საშუალება, რომ ვარჯიშები განაახლონ. არადა, დროა - შეზღუდვები ჩვენზე უარეს მდგომარეობაში მყოფმა ქვეყნებმა მოხსნეს.

2976
მკითხველის კომენტარები / 0 /
მსგავსი ამბები
რუბრიკის სხვა სიახლეები
;