...რომ ბარსელონა აღარ იყოს მხოლოდ მესის გუნდი. ანუ რას შეცვლის გრიზმანი კამპ ნოუზე?

"ბარსელონა" ძალიან ახლოსაა ანტუან გრიზმანის გადაბირებასთან, ვინც უკვე ოფიციალურად დაემშვიდობა "ატლეტიკოს" და "ლეგანესთან" ბოლოჯერ მოირგებს "როხიბლანკოს" მაისურას. ამბობენ, ფრანგი სუპერვარსკვლავის გადაბირება "პარი სენ-ჟერმენსაც" უნდაო, მაგრამ სასწაული უნდა მოხდეს, კატალონიელებმა ეს შანსი ხელიდან რომ გაუშვან...

"ბარსელონა" ამ ოპერაციაში 120 მილიონ ევროს (104 მილიონი ფუნტი) გადაიხდის. ფაქტია, ანტუან გრიზმანის ტრანსფერი სცდება ერთი რიგითი გარიგების ფარგლებს და თავისუფლად შეგვიძლია, ის "ბარსასთვის" ახალი ეპოქის დასაწყისად ჩავთვალოთ. რატომ აქვს ამხელა მნიშვნელობა გრიზმანის გადასვლას კატალონიურ გრანდში?

ბოლო დროს "ბარსელონა" თითქმის ვეღარ იგებს საერთაშორისო ტიტულებს. გრიზმანი ნამდვილად არის ის ფეხბურთელი, რომელსაც შეუძლია, "ბარსას" ამ "მშრალი" სერიის შეწყვეტაში სერიოზულად დაეხმაროს. მისი საფეხბურთო თვისებები, დიდი ნიჭი და ინტელექტი ამის წინაპირობაა.

"ბარსას" ტიტულები მოშივდა და ასეთივე მდგომარეობაშია 28 წლის გრიზმანიც. ეს ის შემთხვევაა, როცა გუნდისა და ფეხბურთელის ამბიციები ერთმანეთს ემთხვევა. მისი მისვლა "კამპ ნოუზე" ნამდვილად დროული იქნება და ასე გვგონია, ბევრ რამესაც შეცვლის.

უპირველეს ყოვლისა კი, ალბათ, იმას, რომ "ბარსელონა" გადამწყვეტ შეხვედრებში აღარ იქნება მხოლოდ ლიონელ მესის "გუნდი". ბოლოს ისე ჩანს, რომ როცა გუნდს უჭირს, რაიმე ღირებულის გაკეთება მხოლოდ მესის შეუძლია, ზოგჯერ - ლუის სუარესსაც, მაგრამ უფრო - მესის. აღარ არიან გუნდში ისეთი დიდი ლიდერები, როგორებიც იყვნენ ჩავი ერნანდესი და ანდრეს ინიესტა.

გრიზმანი დაახლოებით ამათი ყაიდისა და მნიშვნელობის ფეხბურთელი უნდა გახდეს "ბარსაში". კატალონიურ კლუბს ის მიმდინარე სეზონის დასაწყისშიც სურდა და რომ დაემატებინა, ალბათ, ასე ადრე არ დატოვებდას ჩემპიონთა ლიგას.

გრიზმანის კიდევ ერთი პლუსი ისაა, რომ მას შეუძლია, ძალიან სასარგებლო იყოს შედარებით ფრთხილ ფეხბურთშიც - ეს დიეგო სიმეონეს სტაჟიან შეგირდს ნამდვილად არ ესწავლება.

ერნესტო ვალვერდე კი სწორედ ასეთი ფეხბურთის მიმდევარია. ვინძლო, ეს არც იყოს "ბარსას" სტილი, მაგრამ მწვრთნელს კლუბის ხელმძღვანელობა ერთგულობს და ასეთ შემთხვევაში, უბრალო მოკვდავების აზრს მაინცდამაინც დიდი მნიშვნელობა არ აქვს.

ძალიან მნიშვნელოვანი მომენტია ისიც, რომ ამ ტრანსფერით "ბარსა" ყველას აჩვენებს - ის არ იყინება ერთ ადგილზე. კარგა ხანია, კატალონიურ გრანდს სუპერვარსკვლავი არ უყიდია და გრიზმანი სწორედ ასეთია...

1113
მკითხველის კომენტარები / 1 /
gaga
0
სირები ხართ, გრიზმანი ვისი ფეხებია რო მესის უტოლებთ. ჯერ ერთი გრიზმანი სუარესზედაც ათჯერ სუსტია
მსგავსი ამბები
რუბრიკის სხვა სიახლეები
;