რონალდოს, როგორც ძველ ღვინოს, ასაკი ვერ ერევა

"ოქროს ბურთის" ხუთგზის მფლობელ კრიშტიანო რონალდოს ასაკი ვერ ერევა, როგორც ძველ ღვინოს.

არის თუ არა ის კარიერის საუკეთესო ფორმაში? ამის თქმა რთულია, მაგრამ ის კი ფაქტია, რომ მიმდინარე ლა ლიგაში 2018 წლის დასაწყისიდან უკვე 21 გოლი აქვს გატანილი. ეს მან 13 შეხვედრაში შეძლო, რაც თავისთავად ახალი სიმაღლეა.

33 წლის რონალდოსთვის ეს საუკეთესო მაჩვენებელია კარიერაში. მან რთულად დაიწყო სეზონი, მაგრამ ყველა ტურნირში ერთად უკვე 37 გოლი დააგროვა. ბოლო უქმეებზე მან "ჟირონას" 4 გოლი გაუტანა.

ასეთი შედეგი ევროპის ტოპლიგებში არავის აქვს. რონალდოს მხოლოდ ლიონელ მესი უდგას კვალში - 2 გოლით ჩამორჩება პორტუგალიელს. კრიშტიანომ უკვე გაიტანა 6 გოლით მეტი, ვიდრე 2016 წელს და 30 პროცენტით უფრო შედეგიანია, ვიდრე - 2014 წელს.

ამ მაჩვენებლით ის პირველად მიუახლოვდა 2008 წლის შედეგს, როცა "იუნაიტედის" მაისურით "ოქროს ბურთი" მოიგო. კრიშტიანომ ბოლოს 3 თებერვალს, "ლევანტესთან" მატჩში ვერ გაიტანა, რის შემდეგაც მთელი 17 მატჩის განმავლობაში მინდორი უგოლოდ არ დაუტოვებია.

ყოველდღიური სპორტული გაზეთი "ლელო"
1189
მკითხველის კომენტარები / 0 /
მსგავსი ამბები
რუბრიკის სხვა სიახლეები
;