რონალდოს გოგომ ოჯახი მიაგდო: მამამ ინსულტი გადაიტანა, ბებიამ სახლი დაკარგა

პორტუგალიელი კრიშტიანო რონალდო "იუვენტუსში" გადასვლის შემდეგ, პირველ სკანდალში გაეხვა. ფორვარდს არ მოეწონა თავის შეყვარებულზე მომზადებული სიუჟეტი და სასამართლოში ჩივილით დაიმუქრა...

ესპანური ტელეარხის Telecinco-ს ჟურნალისტები დაუკავშირდნენ კრიშტიანო რონალდოს შეყვარებულის - ჯორჯინა როდრიგესის ნათესავებს. 24 წლის ჯორჯინა ბუენოს აირესში დაიბადა. თავდაპირველად, ის ოფიციანტად მუშაობდა. შემდეგ ოჯახი ინგლისის ბრისტოლში გადავიდა, სადაც ჯორჯინა მეურნეობით იყო დაკავებული. მოგვიანებით, გოგონა მადრიდში გადაბარგდა და Gucci-ის მაღაზიაში კონსულტანტი გახდა.

კრიშტიანოს გაცნობის შემდეგ, ჯორჯინამ მოდელის როლში სცადა საკუთარი შესაძლებლობები. ახლა მას ყველაფერი აქვს, რაზეც შეიძლება იოცნებო: ის სეირნობს ვია მონტენაპოლეონეს ქუჩაზე ვერსაჩეს ტანსაცმლით, დგას ვენეციის კინოფესტივალის წითელ ხალიჩაზე და თავს იწონებს "ახალი კარდაშიანის" სტატუსით, რომელიც მას მიანიჭეს ესპანურმა და იტალიურმა პრესამ.

   რონალდოს ცოლი გამჭვირვალე კაბით ვენეციის კინოფესტივალზე

მაგრამ ჯორჯინას ოჯახს ყველაფერი სხვანაირად აქვს. პროგრამაში Salvame ("გადამარჩინე") მოყვნენ, რომ როდრიგესმა ყველანაირი კავშირი გაწყვიტა ნათესავებთან კრიშტიანოს გაცნობის შემდეგ. გოგონა ბებია ხუანასთან იზრდებოდა, რომელიც, ახლა, 82 წლისაა. ის ცხოვრობს ესპანეთის ქალაქ ლორკაში და ჟურნალისტების სიტყვებით, მძიმე მდგომარეობაშია. როგორც კი ბებიამ ჯორჯინას ფული თხოვა, გოგონამ მაშინვე შეწყვიტა მის სატელეფონო ზარებზე პასუხი.

სახლი, სადაც ბებია ცხოვრობდა, 2011 წელს, მიწისძვრის შემდეგ დაინგრა. ახლა, ხუანამ თავი შეაფარა პატარა ქოხს, რომელიც დროებითი თავშესაფრის პროგრამით აუშენეს. ბაბუაც უსახლკაროდ დარჩა, ოღონდ არა მიწისძვრის გამო - სახლი წაართვეს 3-ათასიანი ვალის მიზეზით.

ჯორჯინამ მამასთანაც გაწყვიტა კავშირი, რამაც ძალიან გააკვირვა ნათესავები - ფეხბურთელთან შეხვედრამდე, გოგონას ყველაზე მეტად სწორედ მამა ეხმარებოდა. მან ინსულტი გადაიტანა და ახლა, ბუენოს აირესში მკურნალობას გადის. ამ დროის განმავლობაში, ჯორჯინას ის ერთხელაც არ უნახავს.
Telecinco დაუკავშირდა ჯორჯინას მეგობრებს - მათაც, როგორც სხვებს, მასთან ბოლო კონტაქტი კრიშტიანუს გაცნობამდე ჰქონდათ.

ისტორიას საინტერესო გაგრძელება აქვს. რონალდომ მიმართა თავის ადვოკატებს და ისინი სასწრაფოდ დაუკავშირდნენ სილვიო ბერლუსკონის Mediaset-ს. ტელეარხი, რომელმაც გააკეთა სიუჟეტი ჯორჯინაზე, იტალიის ყოფილი პრემიერ-მინისტრის ტელეიმპერიაში შედის. კრიშტიანუს წარმომადგენლებმა მიანიშნეს, რომ ფეხბურთელის შვილის დედის შესახებ ამგვარი პროგრამების გაგრძელების შემთხვევაში, საქმე სასამართლომდე მივა.

როგორც Informalia წერს, Telecinco მაშინვე წავიდა დათმობებზე. ტელეარხი სრული სერიოზულობით მოეკიდა რონალდუს მოთხოვნას და გამოიწვია ჟურნალისტები ლორკადან, სადაც ცხოვრობენ მოდელის ბებია და ბაბუა.

როგორც ჩანს, მთელი ამ წლების განმავლობაში, პორტუგალიელს მასმედიის მანიპულირებაც უსწავლია.

ყოველდღიური სპორტული გაზეთი "ლელო"
2544
მკითხველის კომენტარები / 0 /
მსგავსი ამბები
რუბრიკის სხვა სიახლეები