რონალდოს პორტუგალიამ სალაჰის ეგვიპტეს ბოლო წუთებზე აჯობა

პორტუგალია-ეგვიპტე 2:1
გოლები: 0:1 სალაჰი (56), 1:1 რონალდო (92), 2:1 რონალდო (94)

პორტუგალია (4-4-2): ბეტუ - სედრიკი, როლანდო, ბ. ალვეში, გერეირო - ჟოაო მარიო (61. კვარეშმა), ნევეში (76. ფერნანდეში), ჟოაო მოუტინიო (61. ანდრე გომეში), ბ. სილვა (68. მარტინში) - ანდრე სილვა (76. გედეში), რონალდო

ეგვიპტე (4-3-3): ალ შენავი - ფათჰი, გაბრი, ჰეგაზი, აბდულ შაფი - ელ-საიდი (66. ვარდა), ელნენი, ჰამედი (87. აშური) - სალაჰი (79. აბდელრაზეკი), ჰასანი (62. მოჰსენი), ტრეზეგე

შვეიცარიულ ციურიხში ამ ორი გუნდის ლიდერთა დაპირისპირება ყველას აინტერესებდა - მოჰამედ სალაჰი კრიშტიანო რონალდოს წინააღმდეგ.

სანამ კუპერის გუნდი იგებდა, უპირატესობა ლივერპულელის მხარეს იყო, მით უფრო, რომ "მოჭრილი" დარტყმით გოლი სწორედ სალაჰმა გაიტანა ევროპის ჩემპიონთა კარში, მაგრამ მსაჯის მიერ კომპენსირებულ დროში შეცვლაზე შესულმა კვარეშმამ ორჯერ ჩააწოდა საჯარიმოში, ორჯერვე თავით ყველას კრიშტიანომ დაასწრო და პორტუგალიამ იმარჯვა. სხვათა შორის, მეორე გოლზე ვიდეორეფერის დახმარება გახდა საჭირო.

ფერნანდო სანტუში (პორტუგალიის მწვრთნელი): "პირველ ტაიმში უფრო კოლექტიური ფეხბურთი ვითამაშეთ, მეორისგან კი მეტს ველოდი. ორგანიზებულობა გვაკლდა. სასიხარულოა, რომ გუნდმა არაფრით არ მიიღო მარცხი და დამსახურებულადაც იმარჯვა, მაგრამ აუცილებლად უნდა მოვუმატოთ. ფერნანდეშმა და კვარეშმამ გუნდს მეტი შანსი მისცეს მოედანზე გამოსვლის შემდეგ".

ფაქტები

* მოჰამედ სალაჰმა (ეგვიპტე) ბოლო 14 მატჩში (კლუბში და ნაკრებში) 16 გოლი გაიტანა.

* კრიშტიანო რონალდომ (პორტუგალია) 81 გოლი გაიტანა ნაკრებში. მოქმედ მოთამაშეებში ეს საუკეთესო შედეგია ყველა ეროვნულ გუნდში.

ყოველდღიური სპორტული გაზეთი "ლელო"
218
მკითხველის კომენტარები / 0 /
მსგავსი ამბები
რუბრიკის სხვა სიახლეები