რონალდუმ ოქროს ბურთის წყევლა უნდა მოხსნას

მადრიდის "რეალისა" და პორტუგალიის ნაკრების ფორვარდი კრიშტიანო რონალდო ჩააგდებს მსოფლიოს ჩემპიონატს რუსეთში, - ამგვარი ვარაუდი პლანეტის პირველობაზე მსოფლიოს საუკეთესო ფეხბურთელების გამოსვლის ისტორიული სტატისტიკიდან გამომდინარეობს.

მსოფლიოს ბოლო ოთხ ჩემპიონატს თუ ავიღებთ, ფეხბურთელი, რომელიც პირველობის ჩატარების წელს პლანეტის საუკეთესო ფეხბურთელი ხდებოდა და "ოქროს ბურთს" იღებდა, აუცილებლად ცუდად თამაშობდა ჩემპიონატზე.

ლუიშ ფიგუ მსოფლიოს 2002 წლის ჩემპიონატზე პორტუგალიის მთავარი ვარსკვლავის რანგში გაემგზავრა, მაგრამ სამ მატჩში ვერც ერთი გოლი ვერ გაიტანა.
2006 წელს, პლანეტის პირველობაზე რონალდინიომ ხუთი მატჩი ჩაატარა და ერთხელაც ვერ შეძლო მეტოქის კარის აღება.

ოთხი წლის შემდეგ, იგივე ბედი ეწია ლიონელ მესის, რომელმაც ვერცერთხელ ვერ გაიტანა მსოფლიოს 2010 წლის ჩემპიონატზე.

2014 წელს, ბრაზილიაში მსოფლიოს საუკეთესო ფეხბურთელის რანგში კრიშტიანუ რონალდუ თამაშობდა. მართალია, მან სამ მატჩში ერთი გოლი გაიტანა, მაგრამ პორტუგალია ჯგუფში ჩარჩა.

ყოველდღიური სპორტული გაზეთი "ლელო"
597
მკითხველის კომენტარები / 0 /
;