რუბინიდან ორი ქართველი მიდის. ვინ აირჩია სლუცკიმ?

შესაძლოა, "რუბინი" ბექა მიქელაძემ დატოვოს, - ამ ინფორმაციას გამოცემა "ინყაზანი" ავრცელებს და იქვე აკონკრეტებს: "სავარაუდოდ, ქართველთან გაწყდება ხელშეკრულებ, რომელიც ძალაში 2020 წლის ზაფხულამდეა. შეგახსენებთ, რომ მიქელთაძე "რუბინთან" ერთადაა თურქულ შეკრებაზე, თუმცა პოლონურ "ლეხიასთან" ამხანაგურ მატჩში მოედანზე არ გამოჩენილა", - წერს "ინყაზანი".

გერმანული სამენეჯერო სააგენტო "ტრანსფერმარკტის" ცნობით, მიქელთაძის პირობითი ღირებულება 600 ათასი ევროა. 22 წლის შემტევი რუსეთის პრემიერლიგის კლუბს 2019 წლის ზაფხულში შეუერთდა. მიმდინარე სეზონში "რუბინის" მაისურით ჩატარებულ 11 მატჩში მიქელთაძემ ერთი გოლი გაიტანა. მან თავი მოსკოვის "დინამოსთან" საგარეო მატჩში გამოიჩინა და ეს გოლი გამარჯვების მომტანი აღმოჩნდა.

ჩვენი ინფორმაციით, ის კარიერას ისევ რუსულ კლუბში გააგრძელებს, ოღონდ, ეს იქნება არა პრემიერლიგის, არამედ, რანგით მეორე (ნაციონალური) ლიგის ერთ-ერთი ლიდერი კლუბი, რომელიც ელიტაში აღზევებისთვის იბრძვის და სადაც მეტ სათამაშო დროსა და პრაქტიკას ჰპირდებიან.

გასათვალისწინებელია, რომ ახალი რეგლამენტით რუსეთის პირველობის მონაწილეებს საჩემპიონატო განაცხადში შეიძლება ჰყავდეთ არაუმეტეს 8 ლეგიონერისა. ამ დროისთვის, ყაზანურ კლუბში, მიქელთაძის გარდა, არაერთი ლეგიონერია, მათ შორის, ქართველები - ზურიკო დავითაშვილი და ხვიჩ კვარაცხელია.

ჩვენი ინფორმაციით, ორივე გუნდში რჩება და ლეონიდ სლუცკის ხელმძღვანელობით გააგრძელებს მზადებას რუსული სეზონის განახლებისთვის.

ცნობილი გახდა, რომ მიქელთაძესთან ერთად, "რუბინს" კიდევ ერთი ქართველი, ოღონდ, რუსეთის მოქალაქე ნიკა ყიფიანიც დატოვებს. თუმცა მას ზემოთ ხსენებული ლიმიტი არ შეეხება სწორედაც რუსეთის მოქალაქეობის გამო.

2005
მკითხველის კომენტარები / 0 /
მსგავსი ამბები
რუბრიკის სხვა სიახლეები
;