რუსეთის რაგბის კავშირი საქართველოს რეგიონის ლიდერად აღიარებს

რუსეთის რაგბის კავშირი საქართველოს რეგიონის ლიდერად აღიარებს და აღნიშნავს, რომ ახალი საერთაშორისო ტურნირი მის გარეშე ვერ დაარსდება.
რუსები გამოვიდნენ ინიციატივით, შეიქმნას ახალი საკლუბო ტურნირი, სადაც ათამდე ქვეყნის გუნდი ითამაშებს, მათ შორის საქართველოს, რუმინეთის, რუსეთის, უკრაინის და ა.შ.

ამ თემასთან დაკავშირებით მოსკოვში მყოფმა საქართველოს რაგბის კავშირის პრეზიდენტმა გოჩა სვანიძემ და რუსეთის რაგბის ფედერაციის საბჭოს თავმჯდომარის მოადგილემ, კირილ იაშენკომ პირველი მოლაპარაკებები გამართეს.

"ერთ რამეში თანამოაზრეები ვართ - ახალი საერთაშორისო საკლუბო ტურნირი უნდა შედგეს. მასში მონაწილე ქვეყნებსა და კლუბებზე საუბარი ნაადრევია, თუმცა ახლავე შეგვიძლია თქმა - საქართველოს გარეშე ეს ტურნირი ვერ შედგება.

კონსულტაციები გაგრძელდება და ვიმედოვნებ, უახლოეს თვეებში ქართულ მხარესთან წერილობით შეთანხმებას მივაღწევთ, რის შემდეგაც კონკრეტულ დეტალებს განვიხილავთ. წინ რთული სამუშაო გველის, რომელიც მინიმუმ 2-3 წელი გაგრძელდება" - თქვა იაშენკომ რუსეთის რაგბის კავშირის ოფიციალურ ვებგვერდთან საუბრისას.

ყოველდღიური სპორტული გაზეთი "ლელო"
1220
მკითხველის კომენტარები / 0 /
მსგავსი ამბები
რუბრიკის სხვა სიახლეები
;