რუსთავი: გაზაევი ასისტენტით ჩამოდის... ელიან ნიგერიელს

ახალგაზრდულ სეგმენტს ვარლამ კილასონია მიხედავს.

"რუსთავში" ძალიან საინტერესო ამბები ხდება. მათგან მთავარი "ლელომ" უკვე გაცნობათ – გადაწყვეტილი ამბავია, რომ გუნდს რუსი სპეციალისტი, ვლადიმირ გაზაევი ჩაიბარებს, ვინც ვალერი გაზაევის ვაჟია.

რა ბედი ელის გუნდის მთავარ მწვრთნელს, ვარლამ კილასონიას? შეგახსენებთ, რომ "რუსთავი" სწორედ ამ მწვრთნელის ხელში აღზევდა საქართველოს ეროვნული ჩემპიონატის უმაღლეს ლიგაში.

როგორც შევიტყვეთ, კილასონიას გუნდში ერთობ საპასუხისმგებლო თანამდებობა ექნება. ის ახალგაზრდულ სეგმენტს ჩაიბარებს. ზოგადად, "რუსთავში" ირწმუნებიან, რომ ეს არ იქნება ექვსთვიანი გუნდი და მათ ხანგრძლივი გათვლები აქვთ, რაც თუნდაც იმით მტკიცდება, რომ იგეგმება სერიოზული ახალგაზრდული აკადემიის ჩამოყალიბება.

ვარლამ კილასონიას ახალგაზრდა ფეხბურთელებთან მუშაობის დიდი გამოცდილება აქვს. სწორედ მისი ხელმძღვანელობით გადადგა პირველი ნაბიჯები არაერთმა ნიჭიერმა ფეხბურთელმა. მათ შორის უნდა გამოვარჩიოთ ოთარ კიტეიშვილი, ვინც დღეს თბილისის "დინამოს" ლიდერი და საქართველოს ეროვნული ნაკრების წევრია.

რაც შეეხება ვლადიმირ გაზაევს. ჩვენი ინფორმაციით, ის საქართველოში ერთი ასისტენტით ჩამოდის. უნდა ვივარაუდოთ, რომ სამწვრთნელო შტაბის სხვა წევრები ქათველები იქნებიან. ამ დროისათვის ჯერ გაზაევთან კონტრაქტი გაფორმებული არაა, მაგრამ სალითხი გადაწყვეტილია.

დღეს – ხვალ "რუსთავის" ფეხბურთელები სამედიცინო შემოწმებას გაივლიან. 20იანვრიდან კი გუნდი ახალი სეზონისათვის სამზადისს შეუდგება.

შევიტყვეთ ისიც, რომ რამდენიმე ფეხბურთელი თავდაპირველი მონახაზიდან კლუბში აღარ იქნება. ბუბა დაუშვილის შესახებ უკვე იცით. მან კარიერის გაგრძელება ყაზახეთში გადაწყვიტა. გიორგი რეხვიაშვილზეც ვთქვათ.. ის თავდაპირველ მონახაზში მოიაზრებოდა, მაგრამ ბოლო ინფორმაციით სხვა კლუბში ითამაშებს. რაც შეეხება გამოცდილ მეკარეს, მიხეილ ალავიძეს, ჩვენი ინფორმაციით ის მომავალ სეზონში პირველლიგელი "ბათუმის" ღირსებას დაიცავს, რომელსაც გია გეგუჩაძე წვრთნის.

და კიდევ ერთი. გავიგეთ ისიც, რომ ამ დროისათვის დამუშავების პროცესშია "რუსთავში" ნიგერიელი ლეგიონერის დამატების საკითხი.

ყოველდღიური სპორტული გაზეთი "ლელო"
4339
მკითხველის კომენტარები / 3 /
grigoli
0
მოვლენები შემდეგნაირად განვითარდება: გაზაევსშუა სეზონიდან მიაბრძანებენ საიდანაც ჩამოაბრძანეს...
ალეკო
0
ძალიანაც კარგი. იქნებ რუსთავმა გაგვახაროს მომავალში ევრო ტურნირებზე. ეტყობა რომ საქმეს სერიოზულად ეკიდებიან. აბა ამ დინამოს ხემძღვანელობის გადამკიდე,გუნდი დაღუპეს.
მსგავსი ამბები
რუბრიკის სხვა სიახლეები
;